Archangels Michael, Raphael and Gabriel te ih thuanthu tawi

Vancungmi (Michael, Gabriel le Raphael) te ih puai ni (September-29)

Thlarau lawngih um mi Vancungmi pawl cu leilungpi a um hlan in a sang zet mi si nak in, Pathian ih sersiam mi a si. An mai hmin cu an tuah an tuan nak parah Pathian hnen in an ngah mi a si. “Pathian thawn” ti duh san mi Micheal cu setan pawl do ding ah tuanvo an pek ih Pathian ih huham a lawng tumtu Lucifer cu Vangcungram ih dawi dingin an fial. Cule vancung ah ral do awk nak a um. Michael le a vancungmi pawl in rulhreng an do. Rulhreng cu um nak a nei lo.” (Thuphuan 12:7-8) Micheal cu nitin ten setan ral kan do nak ah in bawm tu a si. “Cui satan pawl cu leilung a cem tikah an sun can a thleng leh ding” tin (Thuphuan 20:10) sungah a um.

Vancungmi Gabriel cu (Pathian ih thazaang cah nak) ti-ih hminlak tu a si ih Pathian ai ih a kau le a tum mi a uk nak ram thu than dingah tuanvo pek mi a si. A mah cu nunau thianghlim Maria hnenah Bawi Jesuh ih suah nak ding thu hla rak than tu a si. Bawinu in fala him a si thu a sim tikah Gabriel in Pathian in thil ti thei lo mi a nei lo tiah a rak ti. Cui catlang cu (Lk 1:37) ah kan hmu thei. Gabriel in Pathian thu sim tu pawl a bawm ih ruah san nak nei lo ih harsat nak kan ton can khal ih in bawmtu a si.

Raphael (Pathian ih sibawi) ti hminlatu cu taksa le thlarau lam ih dam lo tu pawl dam ter tu dingih ap mi a si. Amah cu Tobia ih hmit khaw hmuh nak rak pek tu a si. A si nak dik tak cu (Vangcungmi a si thu) a sim hnu ah Tobia hnen ah “Kei cu kumkhua a hmun mi Pathian hmai ih um mi vancungmi pasarih sungih pakhat a si mi Raphael ka si” tin a rak sim. (Tobia 12:14)