Mithianghlim Andrew Kim Taegon le Paul Chong Hasang le a rualpi pawl ih Thuanthu tawi (September 20)

Mithianghlim Andrew Kim Daegeon le Paul Chong Hasang le a rualpi pawl (September-20)

            Siangbawi Andrew Kim le Siangbawi cangtu ding tlawngta, Paul Chong le pawlpi sungtel minung (78) cu kum (1839) le (1846) sungah Pathian thu ruangih thih nak a tuar tu an si. Cui Korea martyr pawl cu luu tan nak, hngawng dekih that nak le hrem nak pawl an rak tuar. An mah cu Korea ram ih Pathian hnatuan tu pawl thawn hrem nak a tuar tu minung thawng leng lo sung in ai-awh tu an si. Korea ih a hmaisabik Siangbawi Andrew Kim cu kum (1821) ah Seoul khuapi kiang ah a rak suak. Kum (1845) ah Shianwai ih Siangbawi a can hnu ah a thup ten Korea ah a kir sal ih ramdang Pathian thu sim pawl an thlen thei nak ding thu tawl rel sak nak dingah tuanvo an pek. Cu vek ih Pathian hna a tuan lai ah ramri kiltu pawlkom in an kai ih Seoul khuapi Shiyan tiva ah a luu an rak tan. A ruang pum khal le nithum sung mizapi ih hmu dingah an ret. Cui Siangbawi cu Korea ramih Siangbawi kilkhawi tu mithianghlim tiah an hnemhnget mi a si.

Mithianghlim Andrew Kim le a rual pi pawl hnenah zaangfah bom nak kan dil thei a si.