Mithianghlim Cosmas le Mithianghlim Damian te ih Thuanthu tawi (September 26)

Mithianghlim Cosmas le Mithianghlim Damian te ih Thuanthu tawi (September – 26)

            Nat nak a phun phun zoh tu sibawi pawl kilkhawi tu mithianghlim Cosmas le Damian cu Arabian ram ih faphir an si. An mah cu Syria ram ih si vai lam an zir theh hnu ah Cilicia ram ih Agia ah an rak um ih cu tawk ah a thiam zet mi nat nak a phun phun zoh tu sibawi ah an rak cang. An fimthiam nak thawn in an hnatuan cu an hlawhtling zet ko nan an tuan man paisa an lak dah lo. Cu ti-in mitampi cu Christian zum nak ah an ceer.

Christian pawl hrem nak ruang ah Kum (283), Diocletian miphun pawl ih hrem nak sung in an pahnih cu thinglamtah ah an khen ih an luu an tan. An ruak cu Syria ah an phur ih an phum. Nat nak tampi hlo ter nak thawn pehpar mi mangbangza hmin khen pawl cu an mah ti-in an run theih ter. Minaa pawl ih zaan mang ah voikhat voihnih an lang ih cui minaa pawl sii tla an pek. Cu mi lak in ram uk tu siangpahrang Justian tla a tel. An pahnih sunlawih nak ah Rome khua ih Biakinn tel in a tam zet mi Biakinn pawl an rak sak asi.