Mithianghlim Francis Xavier ih Thuanthu tawi (1506 - 1552)

Hmun dangdang ih Pathian hnatuan tu pawl kilkhawi tu mithianghlim Francis Xavier (1506 - 1552)

          Hmun dangdang ih Pathian hnatuan tu pawl kilkhawi tu mithianghlim Francis Xavier cu kum (1506) ah Spain ram Pamplona khuapi ah a rak suak.

          France ram ih Paris khuapi ih fim nak a zir lai ah Loyola khuapi ih Mithianghlim Ignatius ih a hmaisabik a dungthluntu pasarih sung ih pakhat lak ah a rak tel. Kum (1541), Puithiam a ngah hnu kum li rei ah Francis Xavier cu India ram ah Pathian hna tuan ding in an rak thlah. Thla thum rei hnu lawng in khual an tlawn hnu ah Portuguese ram a si mi Goa khuapi ah Pathian thu an rak sim thok ih khua nu khua pa pawl ih thuhmanlo le diklo ih an tuah mi thil sual pawl lak in a hum him. A cuangce in a hrekkhat hna tuan nei tu upa pawl in an sal pawl an hrem zat an siar nak ah an mai rosary pawl an hman nak in an rak kham thei lo. Thla nga a rei hnu ah nga kaih nak hmun tifinriat ih um Paravas miphun lak ih Pathian thu a sim mi in tha a ngah ih cui miphun tampi pawl Christma tha pek nak thu hla an rak dil. Abraham miphun pawl lakah kumkhat sung Pathian thu a sim ih a nun nak a thleng tu pakhat lawng rak ngah tu Francis Xavier cu sung nak ziang tin kan pom ding ti khal fiang ten a thei.

          Kum (1549) ah Francis Xavier cu Japan ah khual a tlawng ih Japan khua pi ih a hmaisabik Pathian hna tuan tu a rak si. Harsat nak tuar dan a zuam ih harsa takih um nak in Japan mi pawl a hip thei lo ti a hmuh tikah thaten hnipuan a hruk ih khua upa pawl hmai ah Portuguese khua pi aiawh tin amah leh mah theih ter awk nak a nei. Mi uk thei nak laksawngah Guitar thawn pehpar mi thingkuang pakhat, Nazi pakhat a pek theh hnu ah minung pawl Pathian thu sim thei nak le Pathian hnatuan thei nak can tha an ngah. Francis Xavier ih a hmuh dan vek si le "Pathian zum lo tu sungin Japan miphun pawl thluk ih thinlung tha mi miphun nan hmu lo ding" ti a si. A hlan ih a hlawhtlin nak pawl in khua upa pawl thin nom nak a pek lo ruangah dungthluntu hna tuan nak an kham. Cuihnu China ah Pathian thu sim ding ah a rel cat. Asinan, Hongkong kiang ih Sancian tikulh a thlen tikah a dam lo ih kum (1551) ah cui tikulh ah a nun nak a cem.

Add new comment

2 + 2 =