Nu le pa hmuh suam nak in har sat nak a thleng thei

Nu le pa hmuh suam nak in har sat nak a thleng thei

        “A pa a thawi ih a nu kha inn ihsin a dawi tu fapa cu ning zah nak le mualpho nak a suah ter tu a si.” (Thu 19:26)

        “Pa ih nun sim nak a el tu cu mi aa an si. Nun sim nak a sang tu cu mi fim asi.”(Thu 15:5)

        “Fa pa fim cun a pa ih nun a sim tikah a ngai. Asinan mi hngal cun ka sual ngai a ti dah lo. Mi tha cun an tong kam ih rah an ei ding.”(Thu 13:1-3)

        Nu le pa a hmuh suam tu pawl cu har sat nak an tong thei.

        “A pa a hnon tu cu hmin sia tak in a lar ding. Nu a thin heng ter tu cu Pathain in a caam ding”(Sirah 3:18)

        Pa ih that nak ziang ih a ngaih sak lo tu pawl cu pa a hmuhsuam tu fa le pawl ih ton mi harsat nak an tuar ding. 2Samuel sungah David siangpahrang ih fapa Absolom cu rin tlak lo mi thawn an kom aw ih a pa cu a dodal ih a pa ih nun nak cu a do. Cui fapa sual cu thih sia in a thi.

        Nu le pa par ih sual nak a nei tu fa le pawl ih an caan netabik cu a mawi lo.

        Persian siangpahrang Corroes (A.D 628) cu ram a uk lai ah a pa cu tih um tak in a that. Cutiin a mah ih sual nak cu a mah rori in a tuar sal.

        Corroes siangpahrang ih fa upabik cu a kil tu pawl thawn kom aw in siangpahrang bawipa an kai ih hridai thawn an ten ih thawng an tlak. Cui hnu ah Corroes siangpahrang cu a mah ih fapa rori in, a mah ih sual nak a phunphun a phuang.

        “Nang mah cu napa kha na thi ter ih kei mah khal in, nang mah cu, cu mi vek in ka lo tuah ding a ti ih siangpahrang pa cu thi ding in thu a suah.

        A hman ah cun Corroes siangpahrang cu amah ih fa hnen ah sual nak cu ro ah a pe ih that lo nak cu amah rori in a tuar sal tiin an ti.

        Minung cu mah ih vorh mi vek cek ci in an khawm ding. (Galati 6:7)