Pope Francis ih nauhak pawl a forh fial mi (December 16, 2019)

Naute Jesuh vekin minung pawl lakah a pehtlaih ter tu lilawn fate si dingah nauhak pawl a forh fial ti thu (December 16, 2019)

          December 16, 2019 tlawngkai nikhat niah Italy ram kawhhran mi pi pawlih 1969 kum ah mino pawl fimthiam nakin nuncan ziaza that nak thlarau lamah than so nak dingih an tuah mi Italy ramih thla ti sehla Azione Cattolica pawlih kum 50 kim ni ah nauhak kum 4 in 14 karlak ih a tel mi nunau, mipa minung 64 thawn Pope Francis an tong aw.

          Pope Francis in nan ni pawl kom hnatuan nak cu mino pawl Pathian hnatuan nak thinlung a than so vivo thei nak ding hrangah a lungawi thu a sim ih October 31 in November 2 ni tiang nauhak thawng khat lenglo in nauhak pawl puai tuah nak, tuah daan phun khat an tuah thei ruangah a lungawi nak thu a sim bet a si.

          Pope in nauhak pawl a sim nakah leilung pi a thar ih thleng ter nakah Pathian ih duhdawt nak hi leilung ih a rak keng tu Naute Jesuh kha tuu khal pawl ih mangbang zet ih an rak hmuh vekin kan ni khal mangbangin mangbang nak thawn thlacam ding kan si tiah a sim theh hnuah Naute Jesuh cu Pathian le minung karlak ih a naih aw ter tu lilawn fate a si vekin nan ni nauhak pawl khal cu minung pawl lakah lilawn fate si dingah le Khrih ah ziang hmuahhmuah a si thei ti mi zum dingah Pope Francis in nauhak pawl a cah a si.

https://bit.ly/35LoS56