Pope Francis ih Tokyo khuapi ih a simmi pawl

Pope in Japan

Pope Francis in Japan a tlawn lai ah Tokyo khuapi ih a simmi pawl

“Christian kan si cun nunnak hmuahhmuah humhim dingah le lungawinak, zangfah thiamnak, tirhsiannak, thungainak timi thiltha pawl kha kan nunah raltha zet le fimkhur zet in lang ter dingah kawhmi kan si theh.”

“Khat le khat zuamawknak le thinphannak khur sungih kan khumawknak in siseh, kan suah mi thilri le kan lei/hman mi thilri pawl thawn lawngin kan sinak kan lang ter thei tiih kan ruahnak in siseh, Pathian fate dinhmun ih kan co ding mi zalennak hi famkim teih co lo dingin in tuah thei theu a si.”

“Kan Bawipa Jesuh Khrih in a Dungthluntu pawl hnen ih thinphan a tul lo a rak ti tikah, nitin kan nunnak hrangih a tul mi inn le lo, ei le in pawl an thupi lo a ti duh mi si loin, hlawhtlinnak le mahte nuamawknak lawng ruat ih nunkhua kan sak tikah nuamnak taktak tep ngah lo in sal dinhmun ah in thlenpi ih minung sinak ih thansonak taktak hmuh ngah a har timi in zirh duh mi sawn a si.”

“Catholic zumtu pawl in leitlun ih famkimlonak hi kan cohlan thiam ding le midang pawl khal cohlang thiam ve dingih kan zirh a tul. Ahleicein, mi hmuahhmuah in kutke kimlo mi le tluangdang hnamdangmi an si khal ah siseh, duhdawtnak co tlak tu hlir an si timi kan nunih kan lang ter a tul. Jesuh Khrih in ziangtin a rak tuah ti kan thei theh ko: mizeng siseh, mitcaw siseh, Farasi siseh, misual pawl siseh, a cohlang theh.”

 

Add new comment

2 + 1 =

Please wait while the page is loading