Pope in Tuluk ram ih a karh zai rero mi Corona virus phun ruangih naat son a tuar tu pawl, dam lo pawl hrangah thlacam sak nak a nei, January 26, 2020

 Pope in Tuluk ram ih a karh zai rero mi Corona virus phun ruangih naat son a tuar tu pawl le dam lo pawl hrangah thlacam sak nak a nei

January 26, 2020

               Zarh tin nipi ni tinten mipi ton khawm nak le Angelus thlacam theh ah Pope in Tuluk ram ih a karh rero mi Corona virus ruangih naat suan a tuar tu pawl, dam lo pawl hrangah thla a cam sak thu le rampi khal in, himi a suan aw thei mi naat nak do ding in, khaam thei ding in tuan tlang ding ah Pope in a sim asi.Tuluk ram ih pumkhawm lam khal in himi naat nak hi an khaam rero ti theih ter nak le himi naat tha lo ruangih a thi tu pawl le a tang lai mi an inn sang pawl hrang khalah thla cam sak rero asi ti khal ral bawi pakhat in a sim asi. Tuluk ram ah himi Corona virus ih a kaih ruangah minung 56 an thi zo ih minung 2000 hrawng in a naat nak an tuar rero thu an sim ih, hi dam lo nak cu a karh a ol ih, naat suan a tuar tu pawl khal an tam vivo thu Tuluk ram ih harhdam nak lam ihsin zarh pi ni ah an sim thei a si.

               Tuluk ram lawng si nawn lo in, a dang ram a si mi Thailand, Autrilia, America le France ram pawl khal in hi dam lo nak thuhla pawl an sim ih, leilung pumpi naat thalo ihsin luat thei ding ah harh dam nak lam ih tuanvo nei tu pawl in an tuan rero thu an sim bet asi. Hi a tha lo mi naat nak a karh cah nak cu ziang tluk in a cak ih tih a nung ti thu, mi lak ah ziang tin ziang vek in suan awk a theih ti thu felfai ten thei a si hrih lo ruangah leilung pi ralrin nak a pek thu le hi naat nak cu Namonia dam lo nak vek in minung a that thei ti thu khal an sim bet asi.