Mithianglim Valentine(+269) February-14

Mithianglim Valentine(+269) February-14

*Mithianghlim Valentine cu zo a si?

          Mithianghlim Valentine hi duhaw tu pawl humhimtu Mithianghlim a si ih hlei ah Catholic Puithiam pakhat a si. A nih hi kumzabi pathum hrawngah Rome khuapi ah upat tlak zet mi sungkua in a rak suak.

*Valentine ti mi cafang in ziang duh san a nei?

          Mi tampi cun Valentine ti mi cu duhdawtnak tiin an ruat. Asinain, mihrek cun ‘thazaang’ ti duh san a nei mi  Valar ti mi duh san a si tiah an nemhnget. Curuangah Mithianghlim Valentine hnenah thazaang le ralthatnak pek dingah an rak dil theu.

*Ziangtin thah a rak tuar?

          Ram uk tu Siangpahrang Claudius II nak in Christian pawl a hrem caan ah Mithianghlim Valentine hi kaih a rak tuar ih hridai thawn vuak a rak tuar.

          Rome Siangpahrang in a hrem ih a Biaknak a tan ter ko nain ziang hman lo men ah a cang ih Flaminian lamzin parah a lu an tan ih thah a rak tuar. 350 ah Mithianghlim Valentine upat sunloih nak ah Pawlpi in thah a tuar nak leiram ah Biakinn pakhat an rak sak sak.

*Ziang tin Valentine’s Day a thok?

          Valentine’s Day a rak thawh hmaisabik nak hi kum 496 hrawng in a si. Valentine’s Day tuah nak hi hlan lai pi in a si ih Roman Catholic ih Puaipi in a rak thok mi khal a si.

Catholic pawl in “Lupercalia” tiih kawh mi thal tlawngpit, February thla lai hrawngih tuah mi Puaipi an rak nei. Hi mi puai ah mipa pawl in nunau pawl ih hmin pawl cu thingkuang fate sungta zuuk nak puai an rak tuah. Cui puai sungah duh tu an tong ih a caan caan ah cun an nei awk lan ta.

Neta lam ah Nu Pawlpi in hi puai ni hi Christian pawl ih puai ni tiah thleng dingah le St. Valentine’s Day tiih nemhnget dingah lungkim nak a rak  nei.

Cu tiin nuam te ten St. Valentine ih hmin cu mitam pi in an duh mi pawl hnenih an lungput lang ter nak dingah an rak thok. 

*Mithianghlim Valentine ih mangbangza a rak tuah mi sungin hminthangbik mi mangbangza cu ziang a si?

          Mitcaw nunau pakhat hnenih a rak ngan mi ca in a si. Cui nunau nu cun cui ca siar dingah mangbang zet in a mit in khua a rak hmu thei sal.

*Ziang ruangah February 14 ah Valentine’s Day an tuah?

          Mithianghlim Valentine ih Puaini hi Pope Gelasius I in AD 496 ah February 14 ni hi AD 269 ih a rak thi tu Rome khuapi ih Mithianghlim Valentine upat ni ah a rak nemhnget. Cu tiin kum tin ten February 14 ni ah Mithianghlim Valentine ih puai ni an run mang lan ta.

Kumzabi kum pawl ah duh aw tu pawl in an duhdawtnak lam ih harsatnak a phunphun an ton caan ah Mithianghlim Valentine hnenah thazaang le ralthatnak ngah dingah an rak dil theu.

          Februay 14 ni ah duhdawtnak ca pawl ngan ih kuat nak cu “Vate pawl in thlatang caan hmuahhmuah ah an duhdawt awk nak thuhla sim nak an rak tuah thei lo nain Mithianghlim Valentine ih Puai ni ah an tong aw sal theu” ti mi zumnak a hram bunnak khal a si.

          Hi tiin Valentine’s Day cu leitlunhuap in February 14 ah nemhnget in a run hmang lan ta a si.