St. Apollonia Puai ( Febuary 9)

St. Apollonia Puai ( Febuary 9)

Mithianghlim Apollonia ih puai ni cu Febuary 9 ni a si. St. Apollonia cu kumzabi 3 a thoknak lamah Christian pawl an hremnak hmun Alexandria ah thahnak a rak tongtu fala thianghlim Martyrs pakhat a si. Empire an dinnak hngilhlonak puai ah mipi pawl in Christian an rak hrem thok.

Pawlpi thuanthu ah a mah an hremnakah  a Ha pawl zaten an phawtsak lole an siatsuah sak tiah an rak ngan.  Curuangah amah cu Ha lam thawn pehpar ih tuantu pawl le Ha naatu pawl le lole Ha le Ka lamih damlonak neitu pawlih rinsan mi thianghlim a si. Frence ram ih zuksuai thiam, Jehan Fouquet in mithianghlim Apollonia ih thih ni hngilh lonak ni ah a mai hremnak a rak tuarnak pawl zuk in a rak suai dah. Amah cu kum zabi 2 ah a rak suak ih kum 249ah Egypt ram Alexandria ah a rak thi.