St.Agatha (Virgin le Martyr )

Mithianghlim Agatha

Mithianghlim Agatha hi AD 231 hrawngah Sicily ih hminthang sung kua in a rak suak. A nauhak te lai in Pathian hrang pum pe dingah a rak ap aw tu a si ruangah ziang tivekin thitumnak tuah dingin a tawl rek khal le a rak el ringring theu.A mah a phan sak tu cozah uk nak lamih thu nei tu pakhat in thi dingin a biak ih a rak el ruangah a thin a heng tukih thu relnak zungah a rak thlen. A mah cu hmel mawizet pakhat a siih mi in an uar zet mikhal a si. 

        Decius Siangpahrang sanih Christian pawl a hrem lai tik cu caan kum AD 250 kumah nunau tha lo pawl umnak hmun ih a kil tu hnen ah a rak ap. A sinan Agatha cu Pathian ih kilven nakin a thu rin mi cu pelh lo in a rak um suak. Cuhnu thla khat ah taksa ruangpi dir nak hmunah, hremnak, thirhlingin a vun pawl an dirh sak ih nuang thawn nasa zetin an thawiih a tang khal cu an tan sak. Cui hnu thlali a kim tikah thlalang kuai mi le meiling par ah an ril ter hnuah thawnginn ih khum dingih an zawn laiah hi tin thla a rak cam "Sersiam tu Pathian, hi leilung pi ih duhdawt nakin kei hi i lakih hrem nak phun kim ka tuar thei nak dingah tuar thei nak thazaang i run pe zo. A tu na saal nu ih thlarau hi in rak sang hram aw "tiah a tong phah in a nun nak a cem ta asi. Mithianghlim Agatha cu Nurse pawl kil khawi tu a si ih hleiah Linghnin nak le nunau laam nat nak a nei tu pawl kil khawi tu hrangah a si ih minung tamzet in an upat ih an rinsan zet mi a si. A mai zaangfah bomnak dil sak nakin mitam pi in thlasuah an ngah a si. Mithianghlim Agatha hnenah Pathian hnenah thla in cam aw tin zaangfah bomnak nei tlanguh si.A mah bangin Khrih hrangah a net tiang tei mak nak le rin umnak nun kan neih thei nak dingah thla za cam tlang uh si.