Vancung mi in Bawinu Maria hnenih thu a than nak puai March – 25

 Annunciation.png
Vancung mi in Bawinu Maria hnenih thu a than

Vancung mi in Bawinu Maria hnenih thu a than nak puai

March – 25

                Maria ti mi nunau thianghlim hnenih thu than dingah Pathian in vancungmi Gabriel cu Nazareth khua ih Galile khuapi ah a rak thlah. Cui fala thianghlim Maria cu David ih tesinfa Joseph thawn ham aw mi an si. Vancungmi cu Maria hnenah a feh ih “Na parah daih nak um ko seh! Bawipa na hnenah a umih thlawsuahnak tampi a lo pek a si,” tiah a ti. Maria in cui tong cu a theih tikah a don a har ngai ngai ih a tong mi ih tican cu ziang a si pei tiah khuaruahhar in a um. Cule vancungmi in, “Maria, tih hlah! Pathian mithmaitha na co a si. Fan a vun dingih fapa nah hring ding. A hmin ah Jesuh nan sak ding. Mi maksak a si dingih Cungnungbik Pathian ih Fapa tiah kawh a si ding. Amah cu Bawipa Pathian in a Pu David bangatuk in siangpahranag ah a tuah dingih, Jacob tesinfa pawl ih tlun ah kumkhua in siangpahrang a si ding. A uk nak cu a cem dah lo ding,” tiah a sim.

                Asinan Mari in, “Kei cu Fala him ka si.Cubangtuk cu ziangtikso a si thei ding?” tiah a ti. Vancungmi in, “Thlarau Thianghlim cu na hnenah a ra thleng ding ih Cungnungbik ih cah nak huham cu na par ah a um ding. Curuangah na hrin ding mi fapa cu Pathian ih fapa tiah kawh a si ding. Cu vek in nuking ti ih kawh mi na sungkhat Elizabeth cu fa a vun ih a tu-ah thlaruk a si zo. Ziangtin a si ti le Pathian ih tuah thei lo mi zianghman a um lo,” tiah a ti. Maria in, “Kei cu Bawipa ih salnu ka si. Na sim vek cun ka par ah si ko seh,” tiah a ti. Cu le vancungmi cun a feh san.

Add new comment

8 + 0 =

Please wait while the page is loading