Pasal pawl nan nupi duhdaw uhla an hnen ah awkam sang hmang hlah uh. (Kolose 3:19)

Pasal pawl nan nupi duhdaw uhla an hnen ah awkam sang hmang hlah uh. (Kolose 3:19)

        Pasal cu mainupi kha mai nun nak, rual pi vekin zang fah lainat dingah tuanvo a nei. Zangfah nak thawn tha zang pek ih bom aw ding asi. Lenglam sinak in nunau pawl cu mipa pawl aiin thanau mipawl an si. Aw ka sang zet in pehpar awk nak cu pasal pawl in mai nupi parah tuah ding asilo. Pasal pawl in nupi parih awka sang hmang cu misual a bang ih inn sang that lo nak a lang ter.

        Ka nauhak te laiah Ayeyawadi tikap ah rualpi pawl thawn, tidai kan bual laiah tikap thawn mal te a nai nak tidai lian cu a tamvivo ih a ra rero mi lawng te ka hmu. Lawng mawng tu cu a fate zet mi nupinu asi. Cunu ih a tum nak in hmuh aw in ti sehla a pum a si ding. Cunu cu favon asi. Thli le a tam, tidai le a lian asiih hleiah tha a nei lomi favon nu cun bang zet in lawng a hlau cu thin a naa zet. Lawng ih hmailamah zuu a ri mi a cak zet ding mi pacing pakhat cu nuam zet in lawng hlau a nuam te tuk tiah a au rero.

        Lawng cu tikap thawn a nai vivo tikah cui pacang ih hmel cu ka hmu ngah. Cui pacang cu a hmel a sia ih, misual vek a bang. Lawng a hlau rero tu nunau nu hnen ah cun a duhduh a fial rero. Cui pacang rel mi ah thu hman pakhat cu a tel, cui tong cu,“Ka tong mi hi in sawn hlah, ka ra ih ka lo sit le napum sung ih nau a siat ding” a hman a tha cak pi thawn a va sit le cu nu ih nau cu a siat ding. Kan mah lak ih malte a tumdeuh mi nauhak pakhat in cui pacang pa cu saihli thawn a sai tum. Nei ta ah cun a sai ngah lo. Pasal pawl in mai nupi zangfah a tul.

        Video thawn thu ka rak zoh ngah dah. Thuan thu ih hmin cu ka hngilh zo. Cui thuan thu ah cun Punk le Khin Hlai cu mintami le minta an si. Punk cumi tumpi, Khin Hlai cu mifate, mitawl te, thuan thu ah, cu tei pahnih cu mi sual pawl pialh ding ah an tlan ih, hramlak sung an thleng ih bang zet in Khin Hlai cu a it that ih, a thang tikah, a duhmi Punk a hmu lo. Cutikah Khin Hlai cun tih zet in a tang lam vekin a sim. “Aw Punk tlavang pawl in an lo thiar zo maw. Tlavang cu ka va zangfak ve. Hi tluk a tum mi taksa hi tlavang pi in a la thei pei maw” Hatah thuan thu a si. Mah ih duh mi hman zangfak loin tlavang kha a zangfak tu Khin Hlai ih Hatah lem cang cu zir ding in pe. Mai nupi kha tha lo tak in zang fah nak a nei lo tu U Aata in thin naa zet in a rual pi hnen ah a sim mi cu,

        “Ka nupi in ka duh mi kum 30 sung hmuh hmuah in thlun, ziang vek ih ka tong hman ah a tuar, ziangvek ka fial khal ah in tuah sak, veikhat hman a tong sal lo, rin tlak asi. Kei mah in ziang tluk in ka thawi hman ah a tong sal lo. Nupi tha a si. Asinan mani ah veileh khat ah in then. Ka thei thiam thei lo. Cutikah  a rualpi in kum 30 sung tha lo zet ih na tuah ruang ah tiin a sang. Zang fah nak, lainat nak aum lo nak innsang cu a hngek khoh lo.

Add new comment

11 + 2 =