Leimin thu

Lei Min Thu

Lei a min nak cu a tlang pi in kan sim le Sersiam tu Pathian thu kan ngai lo ih, a tul lem lo nak ah thing kan hau, leilung kai tu ding thing hram an um lo ruangah le Van ruah ti a hmaan lo ruangah lei a min nak asi. Cun, mei kan ur nak in hram pi, thing kung pawl an thi ih thing kung a mal. A tang mi thing kung khal tha thei lo in kum rei pi tiang an um asi. Thingkung hram pi an mal cun kan leilung pi khal a sa ih Van ruah ti khal a mal ter asi.

            Curuangah thingkung kung khat kan hau le kung khat phun sal thei seh la kan ni khua le vanruah ti hrangah that hnem nak tam pi a suah ter ding a si. Cun thingkung thinghnah hringin leilung pi daihnem le thawsa lo ding khal cun tam pi a bawm a si. Kan kiang kan kap hi kei mah thawn zianghman peh par lo ti-ih um men ding kan si lo. A luan zo mi kum 50 laiah (1962 kumah America, Russia le Cuba thu buaiah  Leilung pi cu (Atomic War) Anuhmiu ral tho zikih a um lai ah Pope John XXIII ih a suah mi ca ah “Leilung pi ah daih nak um hram seh” ti-in ca ah ral pi tho lo dingin Daih nak um nak dingah ca a rak ngan dah a si.

            Pope in cui ca cu “Ca pi” ah a suah ih Catholic um nak ram tin ah a rak kuat dah a si. Cui ca cu Catholic Kawhhran mi lawng si lo in mi phun hmuahhmuah, Biak nak zate le mi pa nunau zate hrangah duh san in ca a rak suah dah ih ral rin pek nak ca phun in a rak sim dah a si. Hi ca pi ah kan zate ih kan um nak, kan cen nak leilung pi kan inn a si mi leilung pi din hmun thawn peh par aw in mi phun kip, biak nak phun kim le minung zate thawn rel tlang khawm a duh ruangih a ngan mi a si.

Curuangah kan zate in hi mi Leilung pi daih nak ding thu ah tuan vo kan nei  a si. Kiang kap kil khawi in thungkung pangpar kil khawi tlang uh si. Seemtirnak 1:26 ah Pathian in runnung, thingkung, pangpar le thaw a nei mi hmuah parah thu nei ding tuan vo kan nei thu khal kan hmu thei. Thu nei kan ti tikah mai duhduh ih tuah siat si sawn lo in kilkhawi ding ah tuan vo in pek a si.  

Add new comment

11 + 7 =