Pope Francis in IFAD pawlkom hnenah  in le ei pawl hlon mi cu rilrawng pawl hnen pek sehla a tha ding tiah sim.(Febuary 14, 2024)

Pope Francis in IFAD pawlkom hnenah  in le ei pawl hlon mi cu rilrawng pawl hnen pek sehla a tha ding tiah sim.(Febuary 14, 2024)

International Fund for Agricultural Development pawlkom pawl hnen Pope ih a kuat mi ca sungah in le ei hlon mi thilri hlonnak hi tih a nung mi that lonak cu leitlun ih rilrawng pawl hnen pek a theih nan kan hlon men tikah nikhua a siatsuah thei a si tiah ralrinnak a rak pek.

Pope Francis in International Fund for Agricultural Develoment (IFAD) pawlkom pawl ih a vei 47nak thurel nak ih a teltu pawl hnenah Tlawngkai ni thum (Wednesday) ni ah messange a rak kuat.

Zo ih sinak hman siatsuah lo in a tha deuh mi leitlun pi hrangah zuam phah in suak khat unau lungrual nak suah ter in zate hrangih lungawinak le ruahsannak hram pi cang ter dingah nan pekawknak tik cu le caan, nan  thu kam mi le nan thazaang pawl ruangah ka lungawi tiah a rak lang ter.

Tui ni kan leilung pi cu in le ei thawn pehpar in riahsiatza dichotomy thawn a tonawk thu Pope in a rak sim.

Hmun hrek khat ah minung ziangzat hang lo in rilrawng le tihal in an um laiah khat lam in in le ei pawl heuheh nak parah ruahngam lo ding tiangin hmuh a theih tiah a rak sim.

Pope in in le ei hlonnak cu kum tin gas pawl tampi a suah ter ih rilrawng pawl zaten pe sehla a tawkmawi in a daih ding tiah a sim bet.

Kan ni pawlcu leilungpi  kha harsatnak pe thei mi sinak ah kan tuah theu nak parah  Pope in ralrinnak a pek ih nikhua thlengawknak ih a hrampi a si mi le minung  tampi ih pumcawmnak khal a hringhro rero mi siar cawk lo buainak pawl a langter tiah ralrinnak a rak pe.

Pope in harsatnak kan ton tinten ziangziang asi khal le cu mi cu a hmaisabik ah khuate lam pawl an tonhmaisabik thu a rak sim.

Netabikah Pope Francis in rin um mi tuah tlangnak le mi hrangih tuah duhnak thinlung cu hrialnak, farah nak le  a hrampi kha a sual zawngih tuahnak pawl hleiah nikhua ih harsatnak pawl hrial theinak dingah nan thurel tlangnak ah lam a lo hmuh thei ding tiah thlacam phah in a rak sim. Hi mi thuthang cu vatican thuthang ih kan ngah mi a si. Arak siartu zate parah Pathian thlasuahnak um hram seh.