Pope Francis ih March hrang thlacam tumtah mi cu a tuisan ih miraltha pawl hrangah tiah tumtah (Febuary 27, 2024)

Pope Francis ih March hrang thlacam tumtah mi cu a tuisan ih miraltha pawl hrangah tiah tumtah (Febuary 27, 2024)

Pope Francis cu March thla hrang thlacam tumtah mi a suah ih a tui kan san ih miraltha pawl hran thla a cam sak ih Christian nu mei nui ih tuarnak ruat in nuhmei nui sim mi thilcang pawl a vun mang sal.     

Tuisan ih miraktha pawl ih tetti ankhan  mi Pope, video ih suah  mi a thar cu Pope in tuisan ih miraltha thar pawl hrangah an mai ralthatnak le mission an tuannak in pawlpi ah tuar theinak a ngah thei nak dingah thla a rak cam sak.

Pope Francis in March thla hrang a thlacam tumtah mi a lang ter ih a tui kan san ih a tleu ter tu a si mi mitheih mal mi zumnak ih tetti ih thuanthu ti mi rel dingah a rak tumtah. Lesbos khuapi ih harsat tuar camp ih a rak feh laiah a rak ton mi nuhmei nu pakhat ih thuanthu a rak rel sal.

Musalem pakhat a si mi pa in a mai nupi a si mi Christian mi pakhat cu thinglamtah cu leilungah hlon aw misual pawl in an rak dil dah mi thinnat za thu kah a rak sim. A sinan a rak hlon lo ih ka mithmuh ah a hmaiah an ih ter ih a hngawng an rak tan tiah mipa pakhat in Pope a rak sim dah.

Pope Francis in hi mipa hi a nupi hua sawn lo in a nupi ih zohthim tlak a si mi duhdawtnak, Khrih a duhdawnnak  ruat in thih tiang a tuar thu a rak ruat ter.

Pope in Christian pawl a thoknak lam hnak in tuisan ah thih tiangih Khrih tettti a khan tu an tam sawn tiah a netnak ah a rak sim bet.

Curuangah Pope Francis in Leitlun hmun tin ah thuthangtha hrang ah nunnak liamtu pawl hrangah thlacam dingah zumtu zaten Pawlpi ah an mai ralthatnak le mission hnatuan duhnak ih suak mi ralthatnak lang ter thei dingah a rak sawm.

Video ih thinglamtah leilung ih hlon ding a rak el tu a thi zo tu Christian nunau ih thuanthu cu leipar khual tlawngtu pawl ih lamtluanah Christian pawl ih kiangkap ah  a dang pawl thawn rawi in Pakistan ih a hmaisa bik zumtu Akash Bashir vekih ralthatnak zohthim tlak thu pawl a rak langsar ter. Hi mi cu kan dung 2015  lai ih rak cang mi a si.

Hi mi thu cu Vatican thuthang ih kan don mi a si.