Pope in tlawngkai nithum, vutcaam culhni Mass raithawinak ah Bawi Jesuh ih hi ulhcaan ah kan thinlung a hnenih kirsal dingah in sawm tiah sim. (Feb 14, 2024) 

Pope in tlawngkai nithum, vutcaam culhni Mass raithawinak ah Bawi Jesuh ih hi ulhcaan ah kan thinlung a hnenih kirsal dingah in sawm tiah sim. (Feb 14, 2024) 

          Pope Francis in ulh caan a thoknak Missa Sumnak cu Sata Sabina Basilica ah a rak tuah ih kan thinlung a hnenih kir sal dingih Bawi Jesuih in sawmnak cohlang dingah zumtu pawl a rak sawm.

          Ulhcaan a thoknak ah, Bawi Jesuh in, “kan mah thawn a ai deuh mi khaan ih feh dingah kan mah pakhat ciar in sawm,” tiah Pope Francis in tlawngkai nithum, vutcaam culhni Mass raithawinak ih thuthangtha a simnak ah a rak sim.

          Pope in ulh caan in kan hman theu mi lenglam hmihmuh pawl le thleemnak zaten hrial in thudik ih kirsal dingah caantha in pek tiah a rak sim.

          Curuangah “thlacamnak le tangdornak thinlung thawn kan cal ih kan don mi vutcaam in vutcaamkan si ko nan Pathian in in duhdawt ih a kilhim mi leidip kan si; Kan lu parih vutcaam pawl in nunram ih thuthup hawl sal dingah le Pathian ih duhdawt mi kan si ti kan mah le kan mah tep dingah in thei ter.

          Pope in Pathian ih in duhdawtnak langternak in midang pawl duhdawt sal dingah kawh mi kan si ti langter dingah in bawm tiah a rak simfiang.

          “Thlacamnak, rawlulhnak, le supnak thawn pehpar mi nunphung pawl cu lenglam ih thlun mi men an si lo: Christian nunram ih a thupi zet mi kan thinlung ih in hruai tu lamzin pawl an si,” tiah a rak sim.

          Pope Francis in, “nan thinlung ih kirsal ding dingah nan khaan sungah lut uh” tiih Bawi Jesuh ih in kawh rero nak aw ngai dingah mitin hnenah a rak sawm.

          Pope Francis in, “kan khaan sungah lut cio uhsi,” tiah a rak sim. Cu tawkah Pathian a um ih cui hmun ah kan sambaunak in cohlang ih cat bang loin in duhdawt.

          Pope in “kan thinlung zaten Pathian hnenah kirsal uhsi,” tiah sawm phah in thuthangtha a simnak a rak cem ter.

          Thawmvang um lo ten apnak tuah caan, ulhcaan sungah, kan nunram ah Bawipai’ aw theih caan a si ih leitlun thang pawl sut in a tul mi thinlung ih kirsal dingah tih lo dingin zumtu pawl a rak forh.

          Netabik ah, Pope Francis in, “ziang kan si ti ruat aw tlang uhsi: Pathian ih duhdawt mi vutcaam kan si ih a hnenah lungawi thu sim in sualnak ih vutcaam in Bawi Jesuh le Thiang Thlarau ah nunnak thar ah kan suak sal ding,” tiah a rak sim.

          Hi thuthang cu Vatican News ih kan don mi a si.