A zaten "a tawkthlang ding ti thlang uh si' tiah Nisuahnak lam a laifannak ih ralbuainak cawl thlang uh tin Pope Francis in sim.(March 05, 2024)

A zaten "a tawkthlang ding ti thlang uh si' tiah Nisuahnak lam a laifannak ih ralbuainak cawl thlang uh tin Pope Francis in sim.(March 05, 2024)

March ni 3 ni zarhpi ni ah Pope in Gaza ih Israel ralkai mi pawl le Palestine pawl ih tulsam mi bawmnak pawl ngah zang dingah, Gaza ah doawknak dai dingah a rak dil tiah Vatican thuthang in a tarlang.

Palestine le Israel pawl ih tuarnak pawl ka thinlung sungah a um ringring tiah Pope in a rak sim.

Pope Francis in remdaihnak hrangah an tahnak aw pawl theihsak dingah nunau le mipawl zaten a rak sawm.

Nunnak cemtu pawl, hliam tuar pawl , inn le Lo neilo pawl thawngza lenglo ih siatsuah mi pawlih hmailam hrangah beunak neilo tu pawl, natnak phun kim tuarnak hi nasa zet ih siatralnak a si tiah thinna zet in a rak sim.

"Atawk zo, zaangfah ten tiah kan zaten ti tlang uh si." tin St.Peter's Square tualrawn ih Angelus thlacam nakah Ralbuainak cawl thlang uh si tiah tu le tu sal in a rak sim.

Isreal le Hamas kar lak ah raldonak cu 2023 October 7 in a rak thok. Gaza tiva kap le a dang hmun pawl ah doawknak cawl dingah peh bet in remdaihnak rel tlang dingah Holy Fr in a rak sim.

Minung tam pi umnak a si mi Ukraine ih tuahsiatnak kan hngilh lo pei tiah thar thawh in a rak sim. Hi hmun cu riahsiatnak hmun pi a si tiah a rak sim bet.

Hamas in Isreal ralkaih mi 130 sungin 30 cu thlah hrih lo in an ret ruangah an nunnak cem ding hi phan a um tiah sim.

Gaza ti kap tluan ih Isreal ih donak pawl ruangah Palestine minung 3000 luan an nunnak a rak cem. Minung tampi an hlo. Minung 1.3in inn le Lo nei lo in an um. Nunau pawl le nauhal pawl cu then thum, then hnih lawng an um tiah an sim.Gaza in a ra tlung mi Norwegian harsat tuar pawl ih upa a si mi Yan England in a tu hi sak lam ah rilrawng ih a um mi an tam zet ding zum a um tiah a rak sim.

Isreal in bawmnak pek dingah kiangkap ih gate pawl an on lo ruangah ruahsannak nei lo  mi din hmun kan tong rero tiah BBC hnen ah a rak sim. American, Germany, le United Kingdom pawl Isreal thu ah raldonak hriamhrei pawl an zuarnak thu khal a rak dem. Jordan le USA in Gaza ti kap tluan ah vanzam ih bawmnak pawl an tuah rero thu khal kan dung zarh ah kan thei.

Vanzam pathum in in le ei pawl 3800 hrawn a tel mi tom 66 an phurh thu American vanzam lam ih tuanvo neitu in a rak sim.

Gaza buainak ih rualremnak tuah tu ding pawl in Cairo ih tuah mi thurel tlangnak ah doawknak cawl dingah rualremnak ngah dingah kan zuam ding tiah an sim.Gaza ah Isreal in Hamas ih mangbangza ih a donak cu October thla ah Isreal in ral a thawh ter hnuah Palestine 30310 an nunnak a cem ih 71533 in hliam an tuar tiah thei a si. Hi thuthang cu RVA thuthang in kan don mi a si.