Nitin Thuthangtha (Rev. Fr. Pius Kei Lian Cung ih sim mi)

Rev. Fr. Pius Kei Lian ih sim mi Thuthangtha (October 2, 2019 - Webnesday)

Mt. 18: 1-5, 10

1Cuih caanah dungthluntu pawl cu Jesuh hnenah an ra ih, “Vancung Uknak ah zoso a tum bik?” tiah an sut.

2Cutikah Jesuh in nauhakte pakhat a ko ih an hmaiah a dinter hnuah,

3“Fiangtein ka lo sim: nan thinlung nan thleng ih hi nauhakte bangtuk nan si lo ahcun vancung Uknak sungah nan lut dah lo ding.

4Mi tangah a dor ih hi nauhak bangtuk a si mi cu vancung Uknak sungah a tum bikmi a si.

5Cun ka hmin in hi bangtuk nauhakte a cohlangtu cu keimah a cohlangtu a si.

10“Hi bangtuk nauhakte nan zawmtai lonak dingah ralring uh. Fiangtein ka lo sim: anmah kilvengtu vancungmi pawl cu vancungih ka Pa ih hmaiah an um ringring a si.

Add new comment

6 + 12 =

Please wait while the page is loading