Gaza ih Christian pawl cu inn, tidai le electric meisa nei lo in an um tiah Patriarch Pizzaballa in sim. (January 15, 2024)

Gaza ih Christian pawl cu inn, tidai le electric meisa nei lo in an um tiah Patriarch Pizzaballa in sim. (January 15, 2024)

          Jerusalem ih Latin Patriarch Cardinal Pierbattista Pizzaballa cu Rome ah a tlawng ih Pope Francis thawn Middle East ih thilcang pawl an rel tlang.

          Thusuttu pawl thawn an suhawknak ah cui hmun ih thurel tlangnak le remdaihnak tel in “Gaza ih Christian pawlkom ih dinhmun le Holy Land ih dinhmun an rak reltlang thu a rak sim.

          Thusuttu pawl ih suh mi pawl a leh nak ah Patriarch Pizzaballa in Gaza ih Christian pawl cu midang pawl vekin dinhmun bang aw ah an um rero tiah a rak sim.

          “Mitin ih ruah mi a palh aw mi sung thleng ding ti mi cu Christian pawl hrang hman ah a awl lo” tiah Cardinal Patriarch in a rak ruat.

          Doawknak mal te lawng um mi, Strip sak lam ih um mi Gaza Catholic Parish thawn pehtlaihawknak an neih thu khal a rak sim bet.

          Patriarch Pizzaballa cu kan dung zarh ih a rak um nak Jordan ihsin Italy a rak thleng.

          “Jordan ih dinhmun cu a hnok nan rampi le milai khat le khat zawnruah awknak lam khal ah dinhmun hnget mi pakhat a si,” tiah a rak simfiang. Gaza ah milai khat le khat zawhruah awknak kan tul rero lai ah kan umnak cu Jordanian Royal House a si.

          Curuangah Jordan cu tu caan ah Pawlpi hrangah a remdai bik mi a si ko nan tuan tlangnak, milai khat le khat zawnruahak thawn pehpar mi pawlkom le Egypt thawn khal tuan tlangnak an nei.

          Gaza ih ralbuainak reh dingih hawl ding hi thil awl cu a si lo tiah Patriarch Pizzaballa in a rak sim.

          “A sangsang in kan ruah a tul,” tiah a rak sim. Sannak kan hmu cih lo ding. Tu ah ziang mi a thupibik ti le Israel le Hamas lak ih kaphnih pehtlaihnak ngah dingah hawl ding hi a si.

          Catholic Pawlpi in hi tumtahnak tuan suak dingah a pehzom vivo ding tiah a rak sim bet.

          Hi thuthang cu Vatican News ih kan ngah mi a si.