Malaysia ram Penang Diocese ih Bishop Sebastian Francis in Cardinal sinak ngah.(January 14, 2024)

Malaysia ram Penang Diocese ih Bishop Sebastian Francis in Cardinal sinak ngah. (January 14, 2024)

            Malaysia ram Penang Catholic Diocese ah January 14 ni Vatican ah Bishop Sebastian Francis cu Cardinal dinhmun in Missa raithawinak a rak tuah.

          Cardinal Sebastian Francis cu Mongolia Cadinal Giorgio Marengo, Cardinal William Goh Seng Chye ( Arch Bishop of Singapore) a dang Saya pawl, Puithiam pawl, Sister pawl le  khawhran mipi pawl hoha in Missa raithawinak a tuah.

          Cuihlei ah a hlan ih federal ministers  a rak tuan dah mi Tan Sri Bernard Dompok le Lim Guan Eng khal an rak tel ve.

          Daneil Gooi Zi Sen le Lim Siew Khim pawl cu Malay tikhul sak lam tluan ah a um mi Malay ramthen Panang ramthen a cozah aiawh tu an si. 

          Cardinal Sebastian Francis cu 1951 November 11 ni ah Johor Bahru ah a rak suak. July thla ni 28, 1977 kumah Johor ram Melaka ah Puithiam sinak a rak ngah. 2012 kum July 7 ah Penang Bishop si dingah thu pek a si ih 2012 August 20 Bishop sinak a rak ngah. Amah cu Diocese ih a pa nga nak Bishop a si.

          Pope Francis in 2023 September 30 ah Cardinal dinhmun ah a rak khaisang. Meeting an tuahnak sungah Santa Maria Cause Nostrae Laetitiae ih Cardinal Priest ah nikhat niah a rak khaisang a si.

          Santa Maria Causa Nostrae Laetitiae cu Rome khuapi ih nisuahnak lam ih a um mi kum zabi 20 lai ih parochial Biakinn a si.

          Amah cu Panang ih um mi Arcbishop thawn pehpar mi thu pawl ah thatho zet in a rak tel ih mino pawl ih an thilti theinak pawl khal lungkim zet in a rak cohlang tu a si.

          2023 ih sinthokin Cardinal Sebastian cu Asian Bishop pawl conference (FABC) Office of Social Communication (OSC) ih chairman dinhmun in hruaitu a si.  Hi mi thuthang cu RVA thuthangih kan ngah mi a si.