Nu le Pa Puai (Parents' Day)

Nu le Pa upat nak puai Falam RC Biak inn ah hlunghlai zet in tuah a si.

            Nu le Pa Puai kan tuah mi hi mithianghlim Joachim le Anna upat pek nak ni a si. Cui ruangah Pawlpi ih zirh nak bangin Nu le Pa upat ding a tul zia thei ter nak dingah kan tuah mi a si. Hi puai ah hin Falam RC Mino (CYA) pawl ih ho ha nakin July 28, 2019 - Sunday ni ah hlunghlai zet in an tuah.

            Siangbawi, Sister, Brother le Saya pawl laksawng pek nak an nei ih Kawh hrang sung um mi Nu le Pa zate khal  laksawng pek nak an nei hnu ah upat pek nak langter nakah program phun kim; hla sak nak, lam nak le Upat nak Ro ca khal cu Nu le Pa ai awh in U Bayan Sein in a co hlang. Biak nak lam ai awh in Rev. Fr. Francis Lan Sawn in co hlan nak a rak nei. Cui hnu ah Nu le Pa ai awh in U Michael Za Siah Bawi in thu sim nak tawite a nei bet. Cun U hniar cungin Nu le Pa ai awh in  thlasuah pek thlacam nak khal a nei a si. Cuhnuah puai ih a ra mi zate khal cencerh do nak an nei a si.

Nu le Pa puai ni ih a ra mi zate parah lungawi nak an lang ter hnuah an tik cu can cu an cem ter ta a si.

Add new comment

18 + 0 =