Pope Francis ih thianghlim zarh le Easter caan hman ding dan suak zo.(Febuary 29)

Pope Francis ih thianghlim zarh le Easter caan hman ding dan suak zo.(Febuary 29)

Holy See Press Office in 2024 kum March thla hrang Pope Francis ih Liturgical Celebrations ( Biak khawmnak ih caan hman daan ding) cu Calender thawn suah a si zo ih Holy week ( Thianghlim zarh le Thosal Puai) Easter Sunday caanserh hman daan ding le Colosseum ih Via Crucis khal an tel tiah a rak than.

Vatican zung (Office) cu Pope Francis ih biakkhawmnak caan hmang dan March thla ih Pope ih caan hman dan ding pawl tikcu caan an suah zo ih thianghlim zarh le Easter (Thosal puai) zarhpi ni pawl caan hman dan zaten tarlang a si zo.

March 24 ni zarhpi ni ah Pope Francis cu St.Peter tualrawn ah a thianghlim  mi Missa Biakkhawmnak a hoha ding.

Cui zarh cem lamah Thianghlim tlawngkai ni li ni zinglam ah Pope Francis cu St.Peter Bacilica ah Chrism Mass hoha in a tuah ding.

Athaisun tlawngkai ni nga ni ah Pope Francis cu Rome khuapi ih hminthang zet mi Colosseum ih Via Crucis ah Khrih ih harsatnak (Passion of the Lord) caanserh hmannak a hoha ding.

Tuah daan theu vekin Pope Francis cu Thianghlim zarhte ni zaanlam ah St.Peter Basilica ih Easter Vigil Missa raithawinak le a thaizing zarhpi zing Thosal puai Missa raithawinak khal ah hoha in a tuah ding.

Easter Thosal zarhpi ni sunlai ah St.Peter Basilica ih a laifannak a simi loggia in Pope in Rome khuapi le leitlun pi hnenah Urbi et Orbi ( a hleice ih ) thlasuah peknak a nei ding.

Hi mi cu Pope caan hman ding dan Calender suah mi a si.

March thla 24. 2024 Zarhpi ni Jesuh Khrih zonzaih a tuarnak

St. Peter tualrawn ah zing 10:00 am Papal Chapel ah Jerusalem ih Bawi Jesuh a luhnak Missa tuah a si ding.

March 28 - Thianghlim tlawngkai nili ni St.Peter Basilica ah zing 9:30 Chrism Missa

March 29- Jesuh Khrih zonzaih tuarnak, St.Peter Basilica 5:00pm PAPAL CHAPEL ah tuah a si ding.

Colosseum 9:15 pm ah thinglamtah lampi thlunak a nei ding.

March 30, 2024, St.Peter ih Basilica 7:30 pm PAPAL CHAPEL -Easter Vigil Thianghlim zan caan hmannak a nei ding.

March 31, Easter Sunday ( Thosal Puai)

St.Peter Square 10:00am PAPAL CHAPEL Sun  Missa sumnak

Central Loggia of St.Peter Basilica 12:00 pm Blessing Urbi et Orbi" tin caan a hmang ding a si. Hi mi thuthang cu Vatican thuthang ih kan don mi a si.