A vei (7) nak Buddhist le Christian kekar tlangnak Bangkok ah tuah (November 13, 2023)

A vei (7) nak Buddhist le Christian kekar tlangnak Bangkok ah tuah (November 13, 2023)

          Nili rei tuah mi Buddhist le Christian kekar tlangnak ih theme cu “Karuna and Agape in Dialogue for Healing a Wounded Humanity and the Earth” a si ih cu mi cu Nov 13, tlawngkai nikhat ni ah Thailand ram, Bangkok ih um Mahachulongkornrajavidyala ya University ih an rak thawh zo thu Vatican’s Dicastery for Interreligious Dialogue ih tarlang vekin theih a si.

          Cu caanserh cu the Dicastery for Interreligious Dialogue, the Catholic Bishops’ Conference of Thailand le the Mahachalongkornrajavidyala ya Buddhist University lak ih pawlkomawknak hnatuan pakhat a si.

          “Collequium cu leitlunhuap ih um Buddhist pawl a hleice in Thailand ih tonawknak ihsin din mi rualremnak le khat le khat theihthiamawknak a nemhnget sal ding” tiah thuthan ah an tarlang.

          “Cu mi cu minung pawl le planet ih tuar mi natnak pawl damter dingah mipi ih tuah tlangnak pawl khal a phorhsuak ding”tiah a sim bet.

          Cambodia, Hong Kong, India, Japan, Malaysia, Mongolia, Myanmar, Singapore, Sri Lanka, South Korea, Thailand, Taiwan, le UK pawl tel in ram phunphun ih Buddhist le Christian pawl tla an rak tel.

          Cui hmun ih thuneitu pawl le Thailand ram ih um a dang Biaknak pawl ih ai-awhtu pawl ih cibai buuknak pawl le tuamhlawmawknak ih a tel tu pawl ih thukamnak ai-awh in tuahmi thingkung ciinnak caanserh cu onnak caanserh ih danglamnak a si.

          Hi thuthang cu RVA thuthang ih kan ngah mi a si.