Nauhak pawl ih hmailam caan a siatsuah thei mi nu le pa ih tuah sual mi ziaza (9) (April 11, 2022)

 Nauhak pawl ih hmailam caan a siatsuah thei mi nu le pa ih tuah sual mi ziaza (9)

(April 11, 2022)

 Mi tinkim, mi famkim kan si lo ruangah tuahsualnak pawl in khal kan luat lo. Curuangah mai tumtah lo ih tuah ngah pang mi pawl ziaza hrekkhat in midang a siatsuah ter mi khal a um. Nauhak pawl somdawlnak ah khal hrekkhat tidaan pawl cu thatnak hnak in siatnak pawl a tam sawn.

1. Mai fa le midang pawl hmai ih cawhkuan peknak.

Nauhak ih thilsual a tuah ngah pang tikah hrekkhat nu le pa pawl in thinlung rang zetin mi hmai ah cawhkuan an pek theu. Cui caan ah kiankgap ah midang pawl an um kha an thei nawn lo. Asinan, nauhak ih thinlung sung ahcun midang pawl in ziang tin in hmu ding ti an phang. Mi tampi umnak hmun ah nauhak cawhkuan pek mi in mah le mah zumnak khal a mal ter.

2. A liam zo mi thil pawl sim sal nak

Hrekkhat nu le pa pawl in nauhak pawl thilsual an tuah tikah a hlan ih sualnak telh in an sim theu. Ngaingai ahcun hi ziaza a hlan ih sualnak an tuah ngah tikah a hlan ih sualnak telh in an sim theu. Ngaingai ahcun hi ziaza hi nauhak pawl hrangah cun nu le pa parih nelnak pawl a demdeuh ter.

3. Mai hrang lawngih caan peknak

Nauhak pawl pomlonak, duh thu simlonak, sunsak lonak in mah te lawng umnak thinlung a nei ter thei. Nauhak pawl ih ruahnak pawl  ngai sak lo tikah nauhak pawl khal in midang pawl ih ruahnak an theihthiam sak lo ding.

4. A tha lo mi ziaza pawl

Nu le pa ti mi cu nauhak pawl  hrangah cat lo in zohthim mi an si. Nauhak pawl ih ziaza hrekkhat a sual ko nan nauhak pawl ih thinlung sungah cun a dik tiah an ruat men ding. Nu le pa ih ziaza tha pawl, a tha lo  mi ziaza zate in nauhak pawl a huap thluh thei.

5. Kham tuknak

Hrekkhat nu le pa in veikhat veihnih ah an kham tuk ih an duh mi vek lawngin an tuah ter. Cu tikah nu le pa ih thubohcatnak a tel lo le zianghman tuah thiam lo ah an cang.

6. Duhzulh tuknak

Nu le pa in nauhak pawl duhnak thinlung ruangah kilkhawi lo in an duh an zulhtuk theu. Duhzulh tuknak an tuar ih a zongsang mi nauhak in duhham mi ziaza a ngah ih midang pawl thawn pehtlaih a har thlang. Kilkhawi theih lo mi nauhak cu nu le pa hrangah kiangkap khal thinlung hnaihnoknak a cang ter ding.

7.Rinnak neihlonak

Nu le pa pawl ih rinnak cu nauhak pawl hrangah cun cangdawl vek a si. A thupibik in kumhra vuakvel ah nu le pa ih rinnak cu a thupi tuk. Innsungsang in, cat lo in rinnak pawl a pek a si le nauhak pawl hrangah thazaang a tam ding.

8. Thinlung tum mi ziaza

Nauhak pawl in nu le pa zoh in buainak rem ter daan an cawng theu. Nauhak pawl parih a tha lo mi hman daan pawl, thinheng ih tuah daan pawl thawn pehtlaih le nauhak pawl khal in an ton mi buainak cu thinhengnak thawn an rul kir sal ding.

9. Buainak pawl hrialnak

Buainak pawl cem ter ding tidaan cu feh in hngilh aw tiah an sim theu. Ngaingai ahcun buainak pawl cu an mah ten hlo thei mi an si lo. Aw ring pin sim khal le buainak ihsin suah thei lo ruangah thuhla kaih mi tidaan thawn buainak pawl rem thiam dingin zirh aw.

Hi thuhla cu lovemedia ih tarlang mi rel sal mi a si.

Photo ; Google Image

Source ; lovemedia