Pope Francis in April ah Venice Art Biennale ah tlawng ding.(Febuary 13, 2024)

Pope Francis in April ah Venice Art Biennale ah tlawng ding.(Febuary 13, 2024)

Pope Francis cu April thla 28, ah Italy saklam ih um mi Venice ah a tlawng dingih cu mi hmun ih Biakinn le 2024 Venice Art Biennale ah a tlawng ding a si.

Pope Francis cu April 28 ni ah Venice ah a tlawn ding thu, Vatican ih Dicastery  for Culture and Education in sim thannak an rak nei.

Pope Francis  cu Italy ram ih nikhat a khualtlawnnak cu kum 60 International Art Exhibition of La Biennale di Venezia 2024 ah a cawl ding.

Giudecca nunau pawl Thawnginn ih Biennale exhibit ah Holy See Pavilion sunlawih phah in tik cu caan  malte a hmang ding.

Venice Art Biennale cu ramdang mi hmun tinah  ti mi thuluu thawn April 20 in November 24 tiang an ong ding a si.

Dicastery for culture le education thawn pehpar mi Dicastery for Venice le Venice ih hoha tu pawl ih thu an suahnak ah Pope Francis cu Venice ih um Church community  pawl thawn tik cucaan malte a hman ding tiah an sim.

Pope ih khualtlawnnak ding a tikcu hman nak ding famkim cu neta ah suah a si sal ding tiah an tarlang.

Hi mi thuthang cu Vatican news in kan don mi a si. Thuthang a rak siartu le a rak zohtu zate parah Pathian in a thar in lo thlasuah hram seh.