America ram hrilawknak hrang thlacam ni ah Catholic pawl Bawipai Thi le Sa upat nak ah an feh. November 5, 2020

America ram hrilawknak hrang thlacam ni ah Catholic pawl Bawipai Thi le Sa upat nak ah an feh.

November 5, 2020

          Ram ih Parish zakhat in Bawi Jesuih Thi le Sa upat hlan ah thlacamnak hrang sangka an on. Kan dung thla rei lo te ah, Catholic taan tampi nunphung buai nak, coronavirus le ram buai nak hrang thlacam dingah thlacamnak an nei. Hrilawknak in miphun hrang Novena “Novena of the Nation” ti mi thuluu thawn Biakinn 683 ih Bawipai Thi le Sa upat nak an tuah nak ah Biakkhawmtu pawl a rak kai hruai.

        Kan dung zarh rei lo te ih thurelkhawmnak ah Unite Our Nation “Kan ram mipi pawl lungrual ter aw” ti mi in Biakkhawmnak in kawh nak le ram le khuapi pawl ih tuah mi Bawipa Thi le Sa upat nak tuah dingih forhfial mi a bang aw mi pawlkom thawn an rak tuah tlang.  Kan ram hrangih Novena cu tu tiang a reh thei lo mi ram mipi pawl thawn pehpar mi a reh thei nak ding, nunnak kilhimnak hrang le kan ram mipi lungrual nak hrangih tuah mi a si. Midang in nazi 3-4 Bawipai Thi le Sa upat nak an tuah ah a hrekkhat parish pawl in nazi 24 sung rori Bawipai Thi le Sa upat nak an tuah.

          Greenlawn NY ih adoration ah Rosary camnak le palh le sual nak hrang vunruah salnak caan pawl an telh.November 4, WI, Fond du Lac ih the Holy Family Church ih tuah mi nazi pathum rei mi Bawi Jesuih Thi le Sa upat nak ah Benediction ih cam nak thawn minung 12 an rak tel.NY ih St. Anne’s Church ih Garden City khal in Fr. Cody tel in ram mipi hrang Rosary cam nak le minung 40 hrawng a tel tu pawl thawn Benediction ap nak pawl hrangah nazi pathum sung Bawi Jesuih Thi le Sa upat nak an rak tuah.

          “Tu dinhmun ah buainak a tam tuk. Remdaih nak kan tul ih Pathian zaangfah nak ngah dingah zaangfah kan dil a tul,” tiah cui programme ih a tel tu Lois McNally in a sim. Waterburg ah CT, St. Patrick Biakinn le “Kan ram hrangah le a thianghlim mi Nu Pawlpi” minung 50 pawl thawn sun ni hlawh ap nak an rak tuahMinneapolis ih All Saints Church ih Fr. Peltzer in “Vote a thlaktu pawl thinlung sungih a um mi pawl hnen hril sak dingah Pathian hnen zaangfah dil nak” hrangah zinglam ih raithawinak cu a rak ap.

Purceville, VA, St. Francis DeSales Church in thlacam ding, Monstrance suah hlan ih hla sak ding hrangah minung 100 luan a ra mi pawl thawn “dam ter nak le ruahsannak” hrangah Biakkhawm nak an rak tuah.Parishioner Diane Waller in a thianghlim a hmuh ton mi pawl a rak tarlang. Biakinn sung cu Monstrance par ih meisa vang pakhat siar lo a dang cu a thim theh ih hla pawl tla an mawi zet. Kan ram hrangih kan thlacamnak cu Pathian hnen le Bawinu hnenah kan ap a si.Floral Park, NY, Our Lady of Victory ah zinglam nazi 8:30, Mass theh ih Biakkhawmnak ah “Ra uh la kan ram le ramthen hruaitu hril awknak ah Thiang Thlarau ih fimthiam nak hrangah Bawi Jesuih Thi le Sa upat nak tuah hlan ah thla cam uh,” tiah a sawm a si.

Hi thuthang cu November 5, 2020 ah Aleteia thuthang ih kan don mi a si.

https://bit.ly/3l54Z0I