Iraq muslim pawl in a siat zo mi Khristian biakinn pawl rem sak November 5, 2020

Iraq muslim pawl in a siat zo mi Khristian biakinn pawl rem sak

November 5, 2020

              Iraq ram ih a pahnih nak khuapi Mosul ah Khristian pawl cu ISIS Islamic thil tha lo ruahnak luan tuah pawl ih thah nak ruangah Christian pawl an tlan thluh ih tuini tiang an kir hril lo. Thil tha lo tuah pawlih kut tang ihsin an luat nan a him mi dinhmun a thleng hrih lo ruangah kir sal dingah an nuar lai. Asinan tubaiteah thil cang mi pakhat cu cui tih phan nak a zia ter.

              Sawaed el Muselya hmin nei mi muslim mino pawl kom pawl cu thil tha lo tuah nak ruangih a siat mi biakinn pawl cu an thian fai ih, mi sual pawih ca an nganih an rit mi siat suah mi pawl cu an thiangfai. Cui mino pawl in hmun le ram sungih biak nak lam a luan tuk pawl cawl dingah le ruah nak pawl thleng dingah an tumtah a si. Hmunrawn le Mosul ih raldo awk nak a cem zo, remdaih nak nitlang a suak zo" tiin Fr.Mekko in a sim. Mosul khuapi ih St.Thomas Syria Catholic biakinn ah muslim mino pawl cu thianfai nak an tuah ih a tlan zo mi Khristian pawl um sal dingah an ruah san. "Mosul cu kan ram asivekin nan ram khal a si. Nan um lo in a famkim lo" tiin thu an cah. Fr. Mekko cu cui hmun ih Khristian innsang 200 luan cu tlan in relh dingah a rak bawm. Culaiah Khristian mipum 75000 hrawng an um. Fr in "himi mino pawl cu mi malsawn an sinan  mi ruah san nak a sangzet mi an neih thu" a sim. Himi thuthang cu Aleteia thuthang ihsin kan ngah mi a si.

https://bit.ly/32s2TAC