America Bishop pawl in hril nak a ngah mi America President an hmuak ih rualrem caan a cuu tiah a sim November 8, 2020

America Bishop pawl in hril nak a ngah mi America President an hmuak ih rualrem caan a cuu tiah a sim

November 8, 2020

          Archbishop Gomez in tui hrilawknak Puai ih hril nak a ngah tu Democratic president cu a sunloih thu cibai buuk phah in a sim ih America president thuanthu ah President John F. Kennedy  theh in a Catholic Kawhhran sungin pahnih nak president a si.

          Zalen nak thluasuah hrangah Pathian hnen lungawi thu sim phah in rampi hrilawknak ah ram mipi hnen ah a rak sim. Tui dinhmun cu kan hotu pawl hrangah rampi lungrual a tul.

          Zate hrangah a tha hnem mi cohlan nak a tul thu, Catholic khal a si ih America ram mipi pawl dinhmun in  hmaisa ih kan ret ding mi le tuanvo cu a fiang zet.

          Kan nih cu Bawi Jesuih dungthlun ding kan si thu, a duhdawtnak in kan nunram cu leitlun ah din ding a si thu, cui hnu ah a uk nak ram cu leitlun ah din ding a si thu, kan zum mi cu a tui America thuanthu ah Catholic pawl in remdaihnak dinnak, suakkhat unau thinlung din nak, khat le khat upat awk nak, ram duhdawtnak thinlung pawl ruat sal in tharthawhnak cu America Catholic pawl ih tuanvo pakhat a si.

          Democracy hruai awk daan cu ram mipi zo khal in mi hrang that hnemnak a tuah sak tu le cinh le daan thlun ih nun a tul. Upadi daan pawl thawn pehpar in thil um tu daan le ruah nak pawl a bang aw lo nain khat le khat duhdawtnak ah nuncan ziaza mawi ten pehtlaih awk a tul.

          Hi vek ih tuah nak in Joseph R. Biden cu America ram ih a voi 46 nak president si dingah mee a ngah nak a si.

A mah cu America president pawl sungin John F. Kennedy theh in cu America ram ih a pahnih nak Catholic president ah sunloih le nemhnget mi a si.

          Cu vek in California ih Kamala D. Harris khal sunloih nak a nei. Ziangah tile a hmaisabik nunau vice president a cannak ruangah a si.

          Bawinu ih kilhimnak cu America rampi in tep ve dingah a dil sak. Bawinu cu kan ram mipi pawl thawn kom aw in America ih din mi Pathian hnatuantu pawl ih ruah nak pawl bawm hram seh.

          America cu Pathian ih phen thlaam ih um mi miphun pakhat a si. Pathian cu minung pawl ih thianhlim nak le zalen zet mi ruah nak pawl a kil tu le Biaknak lam kil khawi tu a si.

          Hi thuthang cu Vatican thuthang ih kan don mi a si.

https://bit.ly/2U9YhdS