Hurricane thlisia Eta ih namnuai a tuar tu America a laifang nak ih umtu pawl hrang Pope in thla cam sak November 8, 2020

Hurricane thlisia Eta ih namnuai a tuar tu America a laifang nak ih umtu pawl hrang Pope in thla cam sak

November 8, 2020

            Kandung zarhpi ni Angelus thlacam laiah St.Peter tualrawn ah khawmzawh mipakhat ih aalan tar mi ruangah Pope cu America a laifang nak hmun ih mipi pawl a von mang ter. Cui hmun cu anasa zet mi Hurricane thlisia ih namnuai nak nasazet in an tuar. Covid ruangih nunram a har laifang ah thlisia Eta khal in America alaifang nak hmun ih a namnuai nak hmun ih mipi tampi ih nunnak, inn le lo tampi a siat ter.

            Pope in cui thli sia ruangih nunnak a liam tu thlarau pawl ruangah Pathian ih zangfah nak co dingah le cui thil tha lo a tuar tu innsang pawl hrang khalah Pathian hnem nak thluasuah co dingah, thlisia ruangih inn le lo nei lo a cang tu inn sang pawl zaten an tul hleice mi bom nak khal a zamrang thei bikin ngah dingah thla a cam sak.    

Hurricane Eta, Eta cu Cuba ram lamah a feh ih, Florida ram ih thlanglam zim ah a hrang. Himi thlisia ruangah America alaifang nak lam ah minung 25 hrawng an thih thu le minung 100 luan an hloh thu, Guatemala cu tuini tiang cenbek hnuai ih a pil ih a hlo tu pawl an hawl rero lai. Thu nei tu ih a suah mi thuthang ah a thi tu 25 an um thu le minung 100 luan an hloh lai thu a sim.

            A hlo tu tamsawn cu San Cristobal Verapaz ih a cang mi leimin nak ah a si. Hurricane tah nak zung ih an sim nak vek asile Eta Hurricane cu kan dung zarhte niah Cuba ram, Camaguey myo ih nitlak nak tlang lam peng 140 a hlat nak hmun in nitlak nak thlanglam ah a thawn tiin an sim. Thlisia cu Cuba ram ah zarhpi ni tuanten a hrang ding tiah zumnak an nei. Florida thlang lam ah zarhpi ni le tlawngkai nikhat ah a hrang. Himi thuthang cu Vatican thuthang ihsin kan ngah mi a si.

https://bit.ly/38CoVVf