Vatican ih miharsa pawl hrangah covid nathrik man lo in an cek sak ding November 12, 2020

Vatican ih miharsa pawl hrangah covid nathrik man lo in an cek sak ding

November 12, 2020

         Vatican sung St. Peter tualrawn ah inn nei lo tu pawl hrangah sii khaan pakhat an phuan a si.

Mifarah pawl cu tui caan ah cui siikhaan ah covid nathrik cek fel nak cu man lo in an lak thei thu, hi mi cu a ralai ding mi Zarhpi ni ih tuah ding mi leitlunhuap miharsa pawl ih puai ni hrangah an thok mi cangvaih nak a si ih cui ni ah inn nei lo tu pawl le Pope Francis in St. Peter Basilica ah Missa raithawinak a tuah ding a si.

         Missa sumnak sungah mipum 100 lawng tel on a si ding. An mah pawl cu leitlunhuap ih miharsa pawl zaten ai an awh ding.

Mah le mah apawknak cu a hlu tu hrekkhat khal cui Missa sumnak ah an tel ding tiah hi programme tuanvo nei tu a si mi Pathian thuthangtha cu tharthawh daan phuan nak thawn pehpar in Pope zung council ih Archbishop Rino in a rak sim.

Leitlunhuap miharsa pawl ih Puai ni cu kum tin November thla in Zarhpi ni ah tuah theu a si thu cu Rome Reports in kan dong a si.

https://bit.ly/3lF6ym8