Brunei ram ah a hmaisabik Cardinal ngah nak November 20, 2020

Brunei ram ah a hmaisabik Cardinal ngah nak

November 20, 2020 

         October 25 ni Brunei ih Bishop Cornelius Sim cu rin lo pin mangbangza thuthang pakhat a rak thei. Cui thuthang cu, “November 28 ni ah Cardinal 13 tuanvo pek ding,” tiah Pope Francis in a rak sim. Cui Cardinal thar 13 ah Brunei ram ih Bishop pakhat khal a tel.Bishop in “Ka dinhmun in hi thuthang cu ka rak ruah san lo.Tu khal zum lo tluk in a si. Asinain, kohhranpi pawl hrangah tha thawh nak a si. Ziangahtile Vatican dinhmun in Brunei ih kohhranpi pawl khal a ruahsak thu theih a si.

         Hi vekin leitlunhuap thawn pehpar mi Diocese pi ih tel a ngah nak a si tiah a rak sim. Bishop 2004 ah Pope St. John Paul II in Diocese hoha tu ah tuanvo a rak pek ih cui hnu kumkhatah Brunei ram cu nisuahnak thlanglam Asia ram pawl sungin ram fa te pakhat a si ih Muslim tambik nak ram a si.Tu vek in Brunei ram nemhnget sak nak ruangah Bishop in Pope hnenah a lungawi zet. Ziangah tile Catholic Diocese a um thu mitampi ih theih tuk lem lo mi Diocese ram ah tu vek in a nemhnget sak ngak ruangah a si. Asinain, zumnak cu a nung ringring. Bishop in ramdang kawrlak ihsin pakhat kan si.

         Ka Diocese cu a fate tuk. Asinain, kan nih khal kan ti thei tawk in Pathian hna kan tuan rero. Diocese khal duh a nung zet mi Pathian ih miphun a si.“Tu vekin simnak cu sinak lang ter nak a si ruangah sim rel a tul lo. Asinain, Diocese pi cu kan Nu a si,” tiin a lungawinak a rak lang ter.Covid nathrik ruangah Bishop cu Vaticanah feh in cui thurelkhawmnak ah siseh, cui Cardinal si nak ap nak caanserh ah feh ding, feh lo ding ti cu a botcat  hrih lo. Thu ngai ah cun hi dinhmun cu kohhranpi pawl hrangah le kohhranpi hmai ah thluasuah nak thawn lak a tul. Hi thuthang cu Rome Reports thuthang ih kan ngah mi a si.

https://bit.ly/35QDd2L