Linghnin karlakah Italy ih Sister pawl a sung pe loin thatho zetin ding. November 26, 2020

Linghnin karlakah Italy ih Sister pawl a sung pe loin thatho zetin ding.

November 26, 2020

            Italy ram Assisi ih San Damiano biak inn sia cu St. Francis in "a siat mi ka baik cu tuah that sal uh" timi aw a theih nak hmun a siih a pai neih mi pawl zuar in a tuah thok. Kum zabi 8 rei khalah a dungthluntu pawl cu a mah vekin tuah dingah a si. 2016 kum August 24 ah Italy ramah 6.3 tha a nei mi ling a hnin ih, minung 200 luan an thi. Cui hnuah October thla khalah a cak deuhmi ling a hnin sal. Minung an thi nawn lonan thilri inn pawl an siat. Cumi lakah St.Clare Sister (Poor Clare) pawl khal an tel.

            1997 ih a hnin mi linghnin nak ruangah Camerino ih St.Clare Sister pawl cu an mai tlawng tan in an tlan. 2016 kum ahcun a thar an sak mi tlawng le linghnin ton asile relh nak Sister tlawng khal a siat ih Sr 26 cu umnak nei loin har sat an tuar. Farah nak thukam nak a la tu anmah pawl cu neih mi an nei lo. Asinan kumkhua Pathian hnen an hngat aw. Kum 2018 ahcun anmah pawl cu a te deuhmi tlawng sak dingah le hmuan lei dingah sumpai a daih in an ngah ih an tuah thok sal. A dang khuapi khalah Sister tlawng phuan in Sister tuan dingmi pahnih cu thukam nak an la. Himi thuthang cu Aleteia thuthang ihsin kan ngah mi a si.