Italy miphun sung ihsin Martyr a si mi Sister pakhat in ka Bawi Jesuh tiih a kawh mi mino pawl sungah Bawi Jesuh a rak hmu November 27, 2020

Italy miphun sung ihsin Martyr a si mi Sister pakhat in ka Bawi Jesuh tiih a kawh mi mino pawl sungah Bawi Jesuh a rak hmu

November 27, 2020

         Mino pawl “My Jesus” tiih a rak ko tu le an mah ah duhdawtnak a rak hmu tu Sister cu a hlan kum 20 ah thah a rak tuar.Kum 60 a si mi Mainetti cu 2000 ah, Italy ram, Chiavenna khuapi ah hawklak nunau pathum ih nam thawn thah a rak tuar tu a si. May thla ah, Pope Francis in zumnak huatnak ruangih thah a rak tuar tu Mainetti cu martyr tiah June 6, 2020 ah Mithianghlim ah nemhnget a si ding.

         Mainetti cu a thuanthu ngantu le Mithianghlim a cannak ding thu a rak thei tu Sr. Beniamina Mariani a um nak, the Sister of the Cross ti mi Sister tlawngah kum 40 luan Sister a rak tuan.Mariani in CNA ih Italy tong thiam tu a rualpi ACI Stampa hnenah “Mainetti cu tangdor nak, tlaitluannak le a lungnom nak cu Pathian hnen, a u le pawl hnenih laksawng a si tiih a nunkhuasak tu a  si,” tiah a rak sim.

       Thu cohlang tu in,” Mainetti in nitin a nunnak cu zinglam le zaanlam thlacamnak le ka Bawi Jesuh tiih a kawh mi nauhak pawl, mino pawl le harsat nak a tuar tu pawl thawn catbanglo in an pehtlaih awk nak a si thu a rak hmuh.Thah a tuar tu zumtu Sister ih thuanthu ah, Mariani in “mino pawl hnenih a um le Mainetti in, timlam cia mi tonawkkhawmnak le tuah theu mi meeting pawl sungah a ret ringring,” tiah a rak ngan.Mariani in nunau pawl cawlh nak ‘the Immaculate Institute’ ah mikhual an si lai ah Mainetti a thei tu tlawngta pahnih ih catlang pahnih a rak ngan.

        Mi pakhat in, “a kut sungah ni men men cu Sui ah an cang. Ziangah tile a duhdawtnak ruangah a si. Bawi Jesuh a rak duh zet. Ziangah tile a rak hmu ngah,” tiah a rak ngan. A dang pakhat in, “Innsungsang pawl ka kiangih an um lo caan, ka harsat vansang caan ah I zoh thatu le I duhdawt tu cu a mah lawng a si. Zaan ah ihkhun ah ninghang zet ih ka tah rero lai ah ka kiang ah I um pi ih ziangtik hmanah I tansan dah lo. Kei mah I zum ringring,” tiah a rak sim.Mariani in, “Mainetti in thlarau lam director ih thusuhnak a si mi a nunram ah ziang tuah a duh ti mi ih a leh mi cu ka nunram ah hi midang pawl hrangih a mawi zet mi ah tuah ka duh,” tiah a rak sim.

         “Sister Marinetti cu a mithmai a pan ringring. Curuangah Chiavenna ih mi pakhat in ‘Sr. Smile’ tiah a rak ko,” tiah a rak sim “Nuam aw zet tu khal a si,” tiah a sim bet.“Sister ih mino pawl hnenih a cah duh mi cu nitin ten ziang tinkim ah ka lungawi. Ziangahtile ka hrangah Pathian ih duhdawtnak cu a bangaw lo mi thleidannak pawl karlak ah ka hawl ih ka hmu a si. Cu mi cu harsatnak pawl thawn nitin ka hmuh mi ka unau pawl hmelih hmu thei dingah ka zuam,” ti mi a si. Marinetti cu “thilci fa te in daiten a thanglian mi thingkung tumpi ah a thleng aw tu a si ih mi tampi karlak ah thinghnge bangin a zaam tu a danglam bik mi in hnemnak a hmu ding,” tiah Mariani in a rak sim.

Hi thuthang cu CNA thuthang ih kan ngah mi a si.

Photo constancy of www.figliedellacroce

https://bit.ly/2JqLem8