Philippines Catholic Diocese pi in 2021 cu Pathian rianthuannak (Missionary) kum ah nemhnget November 27, 2020

Philippines Catholic Diocese pi in 2021 cu Pathian rianthuannak (Missionary) kum ah nemhnget

November 27, 2020

          Kum 1521, March 31 ni ah Philippines ram, Leyte thlanglam Limasawa tikulh ah Missa raithawinak cu a hmaisabik an rak tuah.Curuangah 2012 ihsin thok in Philippines Catholic Diocese pi cu kumkua rei in Philippines ram ih Diocese a thlen nak kum 500 kim puai hrangah tim an rak tuah. Hi kumkua (9) sungah Diocese hrangah siseh, kohhranpi pawl hrangah siseh that hnem nak a um dingmi tumtahnak pakhat ciar thawn kum tin nemhnget in tim an rak tuah. Curuangah Philippines ram ih Catholic Bishop pawl pawlkom in 2021 cu “Mission ad Gentes” mi tin hnenih Pathian riantuannak kum ah a rak nemhnget.

          Cui thuanthu sungtel mi hmuah nak ah Philippines ram ih Catholic Bishop pawl hoha tu Archbishop Romulo Valles in kan dung Zarhte ni, November 28 ni ah thuthan pakhat a rak suah.

Pek dingmi laksawng

       Christian nunram cu kan khua le ram ah a rak thleng ih a rak karh zai. Hi vek ih thlen nak cu mai hrang ruat lo ih a ap aw tu leitlunhuap ih mi raltha thinlung a nei tu mipa, nunau Pathian riantuan tu thawng za leng lo pawl ih ap awk nak ruangah a si. An mah pawl cu Bawi Jesuh ih hnatuantu pawl an rak si. An ruah mi ih an zumnak a muril cu man nei zet in an rak kilkhawi. Cu vek in hlawm aw sal dingah khal duh nak an rak nei. Kumkua sungih an ret mi tumtahmi zaten ruat sal in rei lo te ih tuah ding mi Catholic Diocese pi a thlen nak kum 500 kim hmuah nakah Christian pawl ih nunram cu “hlawmawk ding mi laksawng” a si thu kha a lang ter.

          Hi hlawmawknak cu kumzabi a pehpeh in Pathian hnatuantu pawl thinlung thakhoh dingah a forhfial tu thinlung um tu daan a si. Cui thinlung cu tui san kan nih pakhat ciar khal in vang tahratin tleu ter sal a tul. Hi vek in “Nan nih cu man lo in nan ngah ih man lo in va pe uh” ti mi Bawi Jesuh ih thukham cu vun mangsal in lang ter nak dinhmun a si. Kum 500 tikcu caan ah kan zaten ram sung, ramleng ih Pathian hnatuannak cu vun ruat sal in tharthawh dingah hmailam caan khal ah hi hnak in Pathian rawngbawl thei dingah thlacam tlang uh si.

Nuamnak

          Pathian hnatuannak cu nuamnak le zaangfah lainat nak ah a thar thawh sal a tul. Pope Francis in 2013 ih a suah mi Evangelii gaudium capi ah rundamnak thuanthu cu “nuamnak ih a tum zet mi a luannak” pakhat a si tiah a rak sim.Curuangah zumnak in nuamnak ah tharthawh ter sal aw. Ziangahtile Pathian ih zaangfah lainatnak cu ziangtik hman ah a cem thei dah lo ding. Zaangfah lainat nak thuhla thawn pehpar ih sim nak ah 2016 kum, zaangfah lainat nakih a danglam zet mi Jubilee kum ah “zaangfah lainatnak cu Pathian ih hminsinnak a si,” tiah a sim.

          Nuamnak, lungnomnak le remdaihnak ih cirh ti a si. Cui cirh ti in Pathian le minung a pehtlaih sak. Zaangfahlainatnak khal Nu Pawlpi ih a hrampi bik a si. Kan mai Parish pawl, mipi tonawkkhawmnak, pawlkom pawl, cangvaihnak pawl, a tawi zawng ih sim a si le Christian um nak ziang vek hmun khal ah mitin (Kohhranpi / kohhran dang) zaangfahlainat nak thawn hmuh a theih. Oasis (zaangfahlainat nak  ih tidai a ti duh san) khal hawl a theih ding.

          Kan mai Pathian hnatuan thei nak dinhmun cu ziang vek khal in kham a ngah lo. Cu vek in Pathian hnatuan nak thinlung cu ziang vek dinhmun khal in mal ter in a hlo ter thei lo” tiah Philippines Bishop pawl pawlkom in Pope Francis ih zirh mi ta la in thu than suah in a rak forhfial.

          Hi thuthang cu Vatican thuthang ih kan ngah mi a si.

https://bit.ly/2JCrcFq