Singapor ah Catholic kawhhan a thlen nak kum 200 kim Jubilee puai thok December 14, 2020

Singapor ah Catholic kawhhan a thlen nak kum 200 kim Jubilee puai thok

December 14, 2020

            Singapore cu 1819 kumah Britist tirhthlah Sir Stamford Raffles in Britist empire ih lawng colh nak tiin din thok asiih kum hnih a rei hnu 1821 kum, December 11 niah French in MEP Siangbawi Fr. Laurent Albert Pathian rian tuan dingah a thleng. Curuangah a ralai dingmi 2021 cu Singapore Catholic Pawlpi a then nak kum 200 a kim ding.

            Himi Jubilee puai cu Singapore Archbishop William Goh in December 13 ni ah Virtual Missa rai thawinak thawn on nak an nei. An thu lu cu "Ignite and shine with faith" "zum nak thawntheu nak pek uh" tiin an nemhnget. 2021 sung Jubilee thawn pehpar mi canserh tuah asizo ih December 4 ihsin 11 tiang cu puaipi ih a thupi mi netabik a si. Puai pi cu December 11 ah Jubilee missa raithawi nak thawn an cem ter ding tiin an than.

            A danglam nak pakhat cu Jubilee Missa raithawi nak cu hmun khatah kawhhran mipi pawl khawm aw in tuah ding siloin Diocese a phunphun ah Biakinn ah can bang aw in tuah in cem ter ding tiin theih a si. Mipum 5.6 tan um nak Singapore ch Khristian mipi cu zatek 15 an um ih cumi sungin Catholic zumtu 360000 an um tiin theih a si. Himi thuthang cu Vatican thuthang ihsin kan ngah mi a si.

https://bit.ly/3ml7CLB