Christmas thingkung le naute Jesuh suah nak zuk pawlin Christmas sinak in thei ter. December 13, 2020

Christmas thingkung le naute Jesuh suah nak zuk paw in Christmas sinak in thei ter.

December 13, 2020

            Pope Francis cu Christmas thingkung le Bawi Jesuh suahnak zuk pawl cu thluasuah pe ih an on laiah St.Peter tualrawn ih a um tu pawl hnen cibai buk phahin lungawi thu a sim. Duhdawt zetmi ulenau pawl "Christmas thingkung le naute Jesuh suah nak zuk pawl lang ter nak hrangah St.Peter tual ih a ra thleng tu nan zaten lungawi ten ka lo hmuak. A tu vekih nan ra thlen ruang khalah ka lung a awi. Ram dang upa a si mi Slovania ram in Cardinal Rodel Maribor Archbishop thawn a dang minister pawl, ram upa pawl thawn a ra tu a thupi mi mikhual pawl ci bai a buk. Slovania ram in himi a mawi mi a sen zawng far kung pawl cu Kocevje hramlak sungin hrilin an hlut mi a si. Teramo-Atri Archbishop Lorenzo Leuzzi thawn cumi hmun ih thu nei tu pawl khal cibai ka run lo buk a si. Himi thingkung le naute Jesuh suah nak zuk pholang asinak cu rundam tu minung si nak a lak nak timi a thuk mi thuhla zum in nundam thei dingah bom nak a pe. Minung sinak a lak nak cu ziangtinkim kanmah pawl "a tha mi" farah zonzaih nak thawn Gospel thawn pehpar mi farah nak thu a sim. Himi in kanmah pawl thluasuahmi in si ter. A thianghlim mi innsang kan zoh asile an tangdor nak in kanmah pawl in thangphawk.

            Nu Mary le St.Joseph Bethlehem khuapi ihsin Nazareth khuapi an then tikah anmah hrangah an um nak ding hmun tiin khan fate khal a um lo. (Lk 2:7) Mari in hi thu hmuahhmuah cu thazt in a cing ringring ih thuk zet in a ruat. (Lk 2:19.51) Joseph in Mary thawn an neih dingmi naute hrangah a rem cang mi hmun a hawl. Gospel cathianghlim vekin tuu khal tu pawl cu a hrampi an si. Anmah pawl cu cui hmun ah an um. An tuu pawl kil in an um. Vancungmi ih aw thawm cu anmah pawl hrangah asiih anmah pawl khal a suak tu ding rundamtu kha an hawl. (Lk 2:8-16) Christmas puai in Bawi Jesuh cu kanmah pawl ih remdaih nak, lungawi nak, thazang le hnem nak a si thu in thei ter.

            Asinan himi thluasuah laksawng la thei dingah farah nak le tangdor nak nei dingah a tul. Tui kum Christmas puaipi cu leitlun ih a darh rero mi pulhnat harsat nak karlak ah bawm tu nei loin a um mi suak pek naute Jesuh vekin leilungpi cu Pathian pekmi "hminsin nak" a si. Lk 2:12 Greccio khuapi ah kan dung kumah lethmat ka thu mi ca sungah "An enchanting image" kha tui caan ah siar sal dingah kanmah pawl hrangah a tha sawn ding.

            Rualpi pawl hitawk hmun ih a um mi nan mah pawl khal siseh, thuhla a phunphun ruangah hitawk ih a ra thei lo tu pawl khal siseh, himi thingkung le zuk pawl a rak keng tu, ceimawi nak ih tel in thazang a pe tu pawl zaten nan par ah ka lungawi tuk. Nan mah pawl ih timtuah cia nak thawn siang zet ih pek awk nak hrangah Pathian in thluasauh tampi nan par ah lo pe hram seh. Ruahsan nak thawn Christmas puai tuah thei dingah thla ka lo cam sak. Nan innsang pawl le nan ram mipi pawl hnen khalah thluasuah ken sak uh. Nan hnen ah thluasuah ka lo pe a si. Nan hrangah thla ka lo cam sak teng teng ding. Ka hrang thla in cam ding khal hngilh hlah uh. A nuam mi Christmas si hram seh. Ka lung awi. Himi thuthang cu Vatican news thuthang ihsin kanngah mi a si.

https://bit.ly/37ntodu