US hrilawknak thawn pehtlaih mi College in Joe Biden cu president ah nemhnget. December 15, 2020

US hrilawknak thawn pehtlaih mi College in Joe Biden cu president ah nemhnget.

December 15, 2020

          United States ih hrilawknak thawn pehpar mi College in Joe Biden cu president ah a nemhnget ih president hrilawknak in tu cu thlengawk caan a cu zo a si tiah a rak sim. America ih president hril tu 538 in tlawngkai nikhat ni ah mee an rak thlak ih Joe Biden cu United States ih a ralai ding  mi President dinhmun ah an nemhnget. Mr. Biden cu Jan 20 ah President dinhmun in thukam nak a lak ding a si.

Hrilawk daan

          US President hrilawk daan thuai ah America mipi pawl in ramthen pakhat ciar ih mipum ih zir in mee an rak thlak. Hrilawknak thawn pehpar mi College ih a tuan tu pawl in hrilawknak theh ah hrilawknak ih hmin petu pawl hrangah mee an thlak.Cui mee pawl cu US ram, hluattaw ah Washington DC ih siar dingah Jan 6 ni ah kuat a si ding. Cui caan lawngah Joe Biden president ih hril a ngah nak cu a famkim ding. President ih hril mi Biden in kum 120 sungin hrilawknak ih mee petu tambik ah 7 million in a rak neh ve.

Nehnak tongkam       

          Tlawngkai nikhat ni zaanlam deuh ah Mr. Biden in ram mipi pawl hnenah “thleng awk a cuu zo” tiah a rak forhfial ih America miphun zate hrangih President si dingah thu a rak sim.“America in a cozah daan ah kan uk-awk daan hrampi le mipi pawl ih duh nak cu zaraan a si” tiah a rak sim.“Kan democracy in tuar thei nak nei ding, a dik mi le a fek nak dingah hmai a nor, a hniksak, ralrinnak a pek ih a dik ti a lang ter. President ih hril mi Biden in tui a cang rero mi Covid-19 in “thu peknak thuai ih hi pulhnat ngah nak le hi nathrik do nak ruangah ram mipi pawl awloksong ih um nak pawl” zamrang tei do nak pakhat a si tiah a rak sim.

Tui a cang rero mi pulhnat

         Mr. Biden nemhnget ni cu US ih covid-19 ruangih a thi tu 300,000 an kim ni thawn a rak bang aw. President ih hril mi Biden in ni 100 sungin zung a kai ni ah mipum million 100  pawl covid si dawh dingah tumtahnak a nei.

         Hi thuthang cu December 15, 2020 ah Vatican thuthang ih kan ngah mi a si.

https://bit.ly/3ramkc8