Bangladesh ram ih Khrihfa pawl ih Nehnak Ni hminsinnak hleice tak ih thlacamnak le an ram duhdawt dingih thukamnak cu December 16 ni ah an tuah December 16, 2020

Bangladesh ram ih Khrihfa pawl ih Nehnak Ni hminsinnak hleice tak ih thlacamnak le an ram duhdawt dingih thukamnak cu December 16 ni ah an tuah

December 16, 2020

          Bangladesh ram in 1971 kum ih luatnak hrang raltho lai ih an nunnak a rak liam tu martyr pawl upat nak pe phah in a voi 49 nak nehnak Ni (Victory Day) hngilhlo nak Puai a tuah.Covid-19 natnak a thosal ruangah ahlan vek in misenpi thawn tuah lo in awnmawi tawkfang lawngin puai tuah a si.

          Biakinnpi, mosques, pagoda le  adang Pahian Biaknak ih hman mi inn pawl ah a thi zo mi pawl hrangah siseh, ram thansonak, remdaihnak le that nak hrangah hleice tak in thlacamnak tuah a si. Dhaka khualipi ih um mi Tejgaon Holy Rosary Biakinn khal ah Father Srbrato B. Gomes ih hoha nak in thlacamnak tuah a si.

          Bangladesh Christian Association pawlkom hotu Nirmal rozario in an ram luat nak hrangih ral a rak do tu pawl parah a lungawi thu sim phah in kan ram tungding dingah kan zaten kan tanrual a tul,” tiin a sim. Cuih Christian pawlkom ih secretary general tuano nei tu Hemonto Corraya khal in Christian unau pawl hin kan ram ih fimzirnak, harhdamnak le thansonak lam ah tampi an tel pi. Hi mi hi ram an duhdawtnak an lang ter mi a si,” tiin a sim ve.

          Caritas Asia ih hotu le caritas Bangladesh ih director rak tuan dah tu Dr. Benedict Alo D Razario in Ram a duhdaw lo tu pawl in an nu le pa, u le nau pawl, innsungsang le an mipi khal an duhdawt cuang lo” tiah a sim.

https://bit.ly/3mENsMP