Pathian ih tongkam Zarhpi ni ih a thupit thu cu Biakkhawmnak zungin ralrinnak pek (December 20, 2020)

Pathian ih tongkam Zarhpi ni ih a thupit thu cu Biakkhawmnak zungin ralrinnak pek

December 20, 2020

Pope Francis ih Biakkhawmnak zungin leitlunhuap ih um Catholic kohhranpi pawl hnenah Pathian ih tongkam Zarhpi ni cu tharthawh mi thinlung thawn tha tho zet ih tuah cio dingah December 19 ni ah thuthang a rak suah.

          Catholic Pawlpi ah Pathian ih tongkam Zarhpi ni ih tuah dingah Pope Francis in St. Jerome a thih nak kum 16,00 kim ni hngilh lo nak ni a si mi 2019, September 30 ni ah "Aperuit illis" hmin nei mi tuukhaal capi a suah ih a rak nemhnget sak. Cui Puaini cu 2021, January 24 ah tuah ding a si ih Catholic kohhranpi pawl dinhmun in cui Puai ni cu nikhat lawng tuah mi Puai ah ruat lo in Zarh hnih sungah Pathian ih tongkam vek in um ih tuah nak, Cathianghlim ih a thupit thu theih thei nak, Cathianglim thawn thlacam in Pathian thawn biakawknak, thlarau lam thei ter awk ih thangphawk nak cang dingah a tul thu ralrinnak a rak pek.

          Cui puaini ah Bible Cathianghlim keng in khuapi kulh in siseh,  Bible Cathianghlim cu Pulpit par ah re in siseh tuah dingah, a cang thei le Saam kha hla thawn sak dingah a rak forhfial. Cu vek tho tho in Biakinn ah Pathian ih tongkam than ih sim nak hmun a si mi Bible Siarnak (Ambo) ih a thupit thu khal upat ih sim ih a dang Pathian hla pawl hoha ih sak nak, thuthan pawl siarnak pawl cu cui hmun in tuah lo a si le a kaih sawn thu a rak forhfial.

          Hi thuthang cu  CNA ih kan ngah mi a si.

https://bit.ly/34D2Raf