2020 kum Christmas cu a thim lakah tleu zet in a tleu mi ruahsan nak khuatleu. December 22, 2020

2020 kum Christmas cu a thim lakah tleu zet in a tleu mi ruahsan nak khuatleu.

December 22, 2020

            Christmas puai tuah asi nak cu leilungpi ah ruah san nak khuatleu le rundam nak run keng tu naute Jesuh ih suah ni tuah nak asi tiin Sr.Patricia Murray in Christmas thawn pehpar aw in a sim. Amah ih Pathian rian a tuan nak kaing ih Sister hotu pawl kiang UISG ih director a si. Sister cu nunram ah tleu nak a tul tu pawl hrangah thlacam nak pakhat a hlawm. "Na nunram lamzin cu thim nak ih khuh na ton tikah Pathian in lo kilhim hram seh. Na hrangah khuatleu tleu ter in, thim nak lo do neh sak seh". "Na nunram lamzin cu harsat nak pawl thawn a khat tikah Pathian in lo kilkhawi in lo kilhim hram seh. Duhdawt nak thawn na kiang ah um hram seh. Harsat nak a suah tu huat awk nak pawl cu a hlat nak ah lo hlawn sak hram seh.

            "Na nunram lamzin cu tihphan nak pawl thawn hnaihnok na tuar asile Pathian in lo kilhim hram seh. Remdaih nak thawn remdai in, tihphan nak pawl lo sial sak hram seh". "Aw Bawipa, na dungthluntu pawl ih kan lo hngak a rei tuk zo. Khua thim ih khuh nak tha a cak tuk. Bawipa kan mah lakah a tu rori na rong tum ding lawng kan hngak hlap a si. Bawipa kan lak ih na rong tumnak in kanmah pawl tih phan nak a um nawn lo".

            A thim mi sung ih tah nak aw karlakin leilungpi ah ruahsan nak a thleng zo timi lungawi zet in au nak cu thei dingah kan hngak. UISG kaing cu Bawi Jesuh ah an bun aw ih, nunau Pathian rian tuan nak pawlkom an aiawh. Nunau Pathian riantuan nak kiang ih si nak le pum pek nak nunram kha, leilungpi in thei dingah lang ter tu kaing a si. An kaing ih a hleice ih an thulu le an tumtah mi cu thlei dang nak ruangih hmun hla ih um Sr kaing pawl kom sal dingah le Sr pawl ih nunram thei dingah a si. Himi kaing ih sung tel pawl cu a dang project tampi ah an tel ih, minung zuar nak do nak, a vai pawl ih caan tha kil him sak nak, zum nak bang aw lo pawl thawn thu rel tlang nak, thu hman, remdaih nak le leilungpi kilhim nak pawl an tuah. Himi thuthang cu Vatican thuthang ihsin kanngah mi a si.

Photo courtesy of :Giotto

https://bit.ly/2WLjCf9