Covid-19 dokham nak si dawh ding maw dawh lo ding thu Vatican in theih ter nak a nei

Covid-19 dokham nak si dawh ding maw dawh lo ding thu Vatican in theih ter nak a nei

            Tlak a tuar mi naute ih cell lines pawl hmang in tuah mi do kham nak sii pawl cu siilam fim nak vekin a him lo thu pom asi zo asile thinlung muril fel ten cui dokham nak sii pawl hman a theih thu Vatican ih kawhhran ih zum nak thu pawl a kai hnget tu zung (Congregation for the Dectrine of the Faith) in December 21 ah an than. Pope Francis amah rori December 17 ah a pom thu asim mi cui thuthan ah cumi tuah daan thawn tuah mi dokham nak sii hman nak cu cui naute thlak nak thu thawn a pehpar awk lo thu a sim fiang.

            Cui dinhmun thawn an suah mi do kham nak si pawl cu a hmang duh lo tu pawlin mai duh daan vekin hman loin um a theih nan mah le mah khal nat a zai ter tu si lo dingah zuam ding asi thu ralrin nak a pe. Cutivekin a farah mi ram pawl in do kham nak sii lak nak ah man than lo dingah, thlei dang ih pehtlaih nak, a hman lo mi um daan pawl nei lo dingah sii company pawl, cozah pawl, ram tin pawlkom pawl sinak in zuam zet in tuah ding a si thu khal a forhfial. 

https://bit.ly/3rxHwZJ