Covid dokham nak sii cu mi tinkim hrangah si dingah Caritas Philippine in dil. December 31, 2020

Covid dokham nak sii cu mi tinkim hrangah si dingah Caritas Philippine in dil.

December 31, 2020

            Pope ih zangfah dil nak asi mi "covid dokham nak sii cu mi tinkim hrang hmang nak ti  a ti mi " cu Philippine ram Caritas ih tuanvo nei tu Bishop Jose Colline Bagaforo in zangfah a dil sal. Ziangruangahtile Philippine ram President le covid dokham nak sii thawn pehpar mi humhim nak pawlkom ih el awk nak ding ziang hman a um lo ruangah dil nak a si.

Elawk nak thu

            Bishop cu "President thawn covid dokham nak pawlkom in dokham nak sii cu a hlu tu pawl in an hlut mi tiin an sim nan siivai kha hmanhman ten tuah nak upadi pawl, siatsuah thei nak thu pek nak cu cozah si nakin tuanvo hlen lo nak, thu ruah nak nei lo tuk ah a cang thu, tuah thei nak thu nei loin tuah a si tu, in ei mi thil ri le siivai check fel nak pawlkom FDA in do kham nak sii cu pek thei nak thu an pek zo nan, tui tiang zem nak a um hrih lo. Kan dung tlawngkai ni khat ah in ei ding thil ri le siivai check fel tu pawlkom in thu nemhnget in suah a si hrih lo mi covid do kham nak sii hmang lo dingah, ziangruangahtile aamahkhan nak a umlo vekin humhimnak that hnemnak a um lo thu, ziangruangahtile sii ih that nak check fel nak tuah a si lo ruangah a si.

President ih thu cah

            Kan dung lam ah President cu Philippine mipi tan 113 cu covid dokham nak sii a lak in bawm ding tiin a sim. Philippine ih Caritas khal in 2020 a thawh lam ah covid sii cu mi tinkim hnen zem thei dingah tumtah in leitlun pawlkom pawl thawn an kom aw. Asinan rampi ih sumpai lam zung in President ih a sim vek in a lak in pek ding a si le ram paisa 73.3 billion tiang hman a si ding tiin an sim.

Mi tinkim hrang covid do kham nak sii

            A bang aw lomi dinhmun a phunphun ah Pope Francis in ram a phunphun ih cozah pawl le leitlun pawlkom pawl hnen covid do kham nak sii cu mi tinkim in hmang thei dingah zangfah a dil. Pathian ih fapa Pathian cu ram a phunphun in hotu pawl, ram hotu pawl ih thinlung thleng in covid dokham nak cu mi tinkim in dawt thei in, leilung pumpi ih harhdam nak hrang zoh in ram tin thawn tuah tlang duh nak thinlung nei dingah thla a camnak cu Christmas ni ah leitlunpi hrang a sim mi ah a telh. Pope ih hnatuan pi pawl khal in Pope ih forhfial nak cu forhfial nak an nei ve.

            Philippien ih Caritas secretary asimi Fr.Antonio Labiao khalin thu nei tu pawl hnen bawm dingah man cia in an um thu, ahleice in hnenum, hnontuar tu pawlkom pawl bom dingah man cia in an um thu, March thla ihsin thok in Philippine ih Caritas sinak in ramsung sumpai 1 billion luan cu ramsung pawlkom pawl ramtin caritas thawn kom aw in an tuan thu, hitivek in tuah khawm a si nak bik cu bawm tu nei loin, ngaih sak a tong lomi Philippine pawlkom ih mipi pawl hnen tiang tling tlak zet in bom dinah a si tu, cozah ih tuahmi pawl le dinhmun ih tul mi pawl ralring ten kilhim ding a si.

            Cutilawngah hman zet in, tlam tling zetin Philippine mipi pawl ih si nak humhim thei in, ram khel hnatuan tu pawl ih a miat lak dingmi hnatuan khal kham thei ding a si thu a sim. Harhdam nak zung ih an suah mi vek in kan dung tlawng kai nili tiang covid nat suan a tuar tu 1541 an um thu 2020 kum cem tiang mina 474000 an um thu, mi 14 cu an nun nak a cem thu le curuangah covid ruangaih a thi tu cu 9244 an um zo. Thu nei tu pawl in Christmas puai colh caan theh ah nat suan awk nak a thang din khal an phang. Himi thu cu Vatican thuthang ihsin kan don mi a si.

Photo courtesy of : AFP or Licensors

https://bit.ly/3biq2uT