Kum 81 a si mi pitar pakhat cu Pope Francis hnenin tacik laksawng pakhat a dong December 21, 2020

Kum 81 a si mi pitar pakhat cu Pope Francis hnenin tacik laksawng pakhat a dong

December 21, 2020

           A mai Diocese pi le pawlkom hrangah kum 35 rei a ap awkhnu ah Anne Kelly cu Pope Francis hnenin upat sunloih nak tacik a rak ngah. Tu vek in Pope Francis zung pi in Diocese hrangah a p awk nak nemhnget nak in a pek mi tacik ngah dingah a Diocese sungih um kohhranpi pawl ih rak dil sak nak a si. A kum 81 a si mi pi Anne Kelly cu a mai Diocese sungih um kohhranpi pawl Facebook live ih thlah mi Missa ih tel thei dingah Facebook account pakhat a rak tuah ih online ih tuah mi Biaknak lam ih hnatuan pawl khal ah a rak tel ih an mai Diocese sungih um a dam lo mi kohhranpi pawl a rak kilkhawi vek in Christian Party vek caanserh khal ah a rak tuan.

         Reverend Mark Cassidy in “a tu vek ih sunloih nak cu Diocese hrangah a rak ap mi a ap awk nak hrang lawng si lo in midang pawl hnenih Pathian hnatuannak pawl tuan dingah forhfial nak ih can ternak, tha khoh ter nak pawl ruangah a si thu,” a rak sim.Tu vek ih sunloih nak cu 1831 kum, Pope Pius a paruk nak san ih rak thawh mi Pope zung hrangah a tuan rero mi ralkap pawl hrangah a rak tumtah.

         Asinain, 1925 khal ah ralkap a tuan tu pawl lawng si lo in Puithiam pawl le kohhranpi menmen pawl an mai ap awk nak pawl hrangah sunloih nak ngah tlak tiah a rak rem sak. Hi thuthang cu December 21, 2020 ah Aleteia thuthang ih kan ngah mi a si.

Photo courtesy of Bjørn Christian Tørrissen | CC BY-SA 3.0

https://bit.ly/2JLOwkL