Vatican hrangah covid dokham nak si thu tha pakhat suak January 2, 2021

Vatican hrangah covid dokham nak si thu tha pakhat suak

January 2, 2021

            Vatican sung hnatuan tu pawl hrangah covid dokham nak sii cu reilo te ah dawt thlang ding a si. Hman ten sim ding asile dokham nak sii cu January ih a zarh hnihnak sungah a thleng ding a si. Dokham nak sii cu Vatican sung ih a um tu mi tinkim hrangah a daih in an cah thu Vatican ih harhdam nak zungih thu sim thei nak a nei tu in kan dung zarhte ni ah a sim.

            A thleng tu ding dokham nak sii pawl cu retnak ding khal ah tikhal kuang pawl rem cia a si zo thu, ahmaisa ih ngaihsak in dawt ding pawl cu nat suannak a ngah thei bik tu ding dinhmun pawl an si thu, curuangah nat a phunphun a nei tu mina pawl thawn a tong aw tu harhdam nak hnatuan pawl, kum upa pawl thawn mipi pawl thawn tuletu a tong aw tu pawl an si. Dokham nak sii dawt nak cu Pope Paul VI innpi sungah tuah ding a si. Dawt ding mi pawl khal harhdam nak zung ih suan thei nat thawn pehpar in a thiam hleice mi siibawi pawl le nurse pawl lawng an si ding a si. Himi thuthang cu Vatican thuthang ihsin kanngah mi a si.

Photo courtesy of : ANSA

https://bit.ly/2XhgjMR