Minsk Archbishop tui a hnatuan nak ih cawlh caan ngah dingih dil nak cu Pope Francis in cohlang. January 3, 2021

Minsk Archbishop tui a hnatuan nak ih cawlh caan ngah dingih dil nak cu Pope Francis in cohlang.

January 3, 2021

          Nu Pawlpi ih Conon Law (upadi) (378, 1, 3) vek a si le Catholic Bishop pakhat ah hril nak a ngah thei mi kum cu kum 3 5 kim zo tu a si dingih Puithiam cannak a mal bik kumnga a si tul thu a um.

          Catholic Bishop pakhat si nakin Canon Law (upadi) (401, 1) vek in kum 75 kim tikah pek tuanvoih cawl dingah Pope zung ah dil nak ca thunlut a si theu.

          A cawl ti tikah Diocese hoha tu Bishop a si lo le pek mi tuanvo in cawk ti nak lawng a si ih Bishop si nakin a cawl ti nak a si lo. Cu vekin harhdamnak ruangih kum kim mi Puithiam pawl khal an cawlh tikah an Siangbawi sinak lak sal ti nak a si lo.

          Pek mi hnatuan in cawl tinak a si ih Puithiam cannak thawn a tel cih mi Sacramentu tuah nak pawl khal a dang sual nak a um lo ah cun thih tiang tuan ding ti nak a si. Ziangahtile Puithiam cannak cu kumkhua Puithiam a si.

           Pope in tu lai caan sungah kum a kim zo mi Beiruit ram ih Archbishop tadeusz Kondrusiewicz ih a hnatuan ih cawlh nak caan a dil nak cu a rak cohlang.

          Tu ah cun Bishop pulpit a lawng ruangah Diocese tuanvo nei tu pakhat hnenah tuanvo an rak ap. 2020, August thla ihsin thok in Beiruit acozah in Archbishop Tadeusz Kandrusiewicz cu ram sung luh a rak kham. Cui caan cu Bishop Poland ram a rak thlen caan a si.

          Hi vek in ram thawn siseh, a mai Diocese thawn siseh a rak hlat nak ihsin 2020, December 22 ni ah cui kham nak cu a cozah in a lak sal thu Beiruit ram ih Pope ai-awh tu in ruah nak pe phah in a rak than.

          Hi vekin Christmas tikcu caan cu a mai tuuruun pawl thawn an rak hmang tlang.

          Cu vek in Pope cu Kenya ram ih Cardinal John Njue ih a hnatuan in cawlh nak ih an dil nak khal a rak cohlang. Cardinal cu 1944 ah Kenya ram ah a rak suak ih 2007 ah Nairobi ih Archbishop dinhmun in a rak tuan.

          A mah cu 1973, January 6 ni, cu lai ih Pope Paul 6 nak hnenin Puithiam cannak a rak ngah. A mah cu Rome ah fimthiamnak a rak zir ih Docterine buaih a rak ngah.

          Puithiam cannak a ngah hnu ah St. Augustine Catholic Siangbawi tlawng ah cazirh tu in siseh, neta lam ah tlawng uk tu in 1978 in 1982 tiang siseh, Nairobi ih um St. Joseph Catholic Siangbawi tlawng ih tlawng uk tu in 1982 in 1986, June 9 ni ah Bishop ah hril nak a ngah caan tiang tlawng uk tu in a rak tuan.

          Hi mi thuthang cu Vatican thuthang ih kan don mi a si.

Photo courtesy of Vatican news

https://bit.ly/2XcyYt9