Korea Catholic Bishop pawl pawlkom hotu thar Bishop Mathias Lee Yong-hoon January 5, 2021

Korea Catholic Bishop pawl pawlkom hotu thar Bishop Mathias Lee Yong-hoon

January 5, 2021

          Korea ram Catholic Bishop pawl pawlkom (Catholic Bishop’s Conference of Korea-CBCK) ih hotu thar a si mi Suwon Archbishop Mathias Lee Yong-hoon in interview pakhat ah 2020 ih a danglam mi thilcang pawl cu “Milai nunnak tampi le pumcawmnak hnatuan pawl a sung ter mi leilung pumpi thawn pehpar mi harsatnak pawl karlak ah “pakhat le pakhat bawm aw dingah” sawm mi kan si. 2021 ah covid-19 natnak ruangih a cang mi harsatnak pawl ruahsannak pawl ruah sannak thawn leh rulh a tul,” tiah a rak sim.

Ruahsalnak a tul

          Archbishop Yong-hoon in “hi suanawk thei nat nak rei lo te ih reh nak dingah Pathian ih zaangfah lainatnak kan lo dil. Hi nathrik cu kan kiangkap siatral nak le kan ruun inn pi leilungpi a tul lo nak ih hman nak pawl ruangih a cang mi pawl sungih pakhat a si.Genesis 3:9 sungah Pathian in “Khui ah na um?” tiah Adam a rak sut. Cui thusuhnak cu kan mah khal in suh rero cu tui ni ruat tlang uh si,” tiah a rak forhfial.

          Cu hlei ah Pope Francis ih a rak sim dah mi tongkam la sal in “kan nunram ih a thupi mi pawl theih thiam thei dingah zuam cio uh si. Kan nih cu malte sung tikcu caan la in kiangkap ih a cang rero mi pawl ruat sal in harsatnak a tuar tu pawl duhdawtnak thawn bawm nak pe cio dingah mah le mah ap awknak pawl tuah dingah a tul,” tiah a rak sim.

          Ti duh san cu mai nunram ah Matthai Cathianghlim 7:12 sungih “sui thukham” tiih kawh mi “midang pawl in na par ih tuah tern a duh mi kha nang khal in midang pawl par ah tuah ve aw” ti mi Bible catlang tuah dingah kawh nak kan ngah. St. Andrew Kim Dae-geon ih kum 200 kim a suah ni hngilh lo nak  Hmaisabik Korea Puithiam le martyr a si mi St. Andrew Kim (1821-1846) ih kum 200 kim a suah ni hngilh lo nak tuah mi caanserh pawl tumtah in Archbishop pawl tum tah in Archbishop Yong-hoon in hi Jubile kum sungah Korea Catholic kohhranpi pawl cu leitlun ih tleu nak le cit e si dingah sawm  nak ngah mi kan si ih kum 2021 ah Korea Catholic Pawlpi in milai nunnak humhimnak, kiangkap kilhimnak le Korea ram hnih karlak ah komawnak le rem awk sal nak hnatuan pawl tampi tuah nak hrangah ap awk nak a tul thu a rak sim.

Catholic kohhranpi pawl karhzai nak

          A mai Archdiocese thu khal a rak sim bet. Taan za leng lo mi cui hmun ih Catholic mipum langsar zet ih a thannak pawl ruat sal in a thar ih thlengawknak le dungthluntu hnatuan pawl ih tel nak pawl cu hi pawlkom ih thanso nak hrangah a thupi zet mi a hrampi a si tiah a sim.

Ramsung ramleng ih ton mi dinhmun pawl

          Archbishop Yong-hoon in ramsung ramleng ih ton rero mi nunphung harsatnak pawl le ram thawn pehpar mi hoha nak pawl a tawi zawng ih ruahnak ah mi pakhat ciar ih thupit zia le ruah nak pawl upat in remdaih ten tongaw ih thu rel tlang nak lawng in bangawk lo nak pawl a pah suak thei ding thu, ram hotu pawl in mi tampi that nak hrang tuah thei dingah ti dan tha zeta pawl hawl hmu thei dingah zuam a tul thu, ziangah tile  “thu ngai nak le khat le khat upat nak lawng in kan hmailam tikcu caan aa maa a khaan thei ding” tiah thuk zet in a rak sim.“A hnok zet mi dinhmun pawl hmanah kan nih in mi tha Samaritan pakhat ih tahthimnak vek in kan tuah thei ve a tul. A dik mi hotu pakhat ti mi cu mah le mah hmaisa ih ret awk tu, mai ruah nak pakhat lawng in minung pawl a huap ding ti mi ruah nak nei tu si lo in ziang tin thu ngai ding ti mi theithiam tu si a tul. Hi tawk ah kan mai hrangih zohthim tlak cu Bawi Jesuh a mah rori hi a si.

          Nan thu neih nak hmang in nan kiangkap ih um mi pawl hrang rian tuan duh nak thinlung neih lawng ah leilungpi a thleng aw thei ding a si,” tiah a rak sim. Kan dung October thla ah Korea ram Catholic bishop pawl pawlkom ih conference ah Archbishop Matthias Lee Yong-hoon cu hotu ah hril nak a rak ngah. Hrilawknak theh ah a thusimnak ah thlanglam Korea ah Diocese ih ton mi a thupi zet mi harsatnak pawl sungih covid-19 suanawk theih nat nak le nunram ih harsatnak pawl, Korea Catholic Bishop pawl in kum reipi cohlang in tha rak pe mi “thi ding ih thu pek mi bal nak” le a cozah in thurel tlang in a san an hawl reo mi nauthlak nak thuhla pawl tel in a rak tarlang.

          Cui hlei ah Korea Catholic Pawlpi hrangah a hlei ce ih tuah ding mi dungthluntu hnatuan in sak lam Korea thawn rem awk sal nak, kom awk sal nak hnatuan pawl, nikhua thlengawknak thawn pehpar mi tuah ding mi pawl le ruuninn leilungpi humhimnak hrangah hnatuan pawl pawl khal tarlang phah in a rak sim.

         Hi mi thuthang cu Vatican thuthang ih kan ngah mi a si.  

https://bit.ly/3npZF8B