Bosnia-Herzegovina ih harsat tuar pawl hrang zangfah nak thinlung thawn bawm ding ah Caritas Italy in forhfial January 5, 2021

Bosnia-Herzegovina ih harsat tuar pawl hrang zangfahnak thinlung thawn bawm ding ah Caritas Italy in forhfial

January 5, 2021

            Caritas Italy in Bosnia-Herzegovina harsat tuar pawl hrang zangfah nak thawn bawm dingah a forhfial. Ziangruangahtile a dai zet mi tikcucaan ah inn nei lo in an um. Himi harsat tuar pawl dinhmun cu a rapthlak tuk. Ziangruangahtile a relh rero mi Croatia thawn a pehpar mi ram kiang ih sak mi harsat tuar pawl um nak cu December 23 niah a kang.

            Himi hmun ah harsat tuar 1000 an relh. Himi harsat tuar a tam sawn cu Syria le Afghanistan ram pawl ah a cang mi thil tha lo ruangah an tlan ih, Europe ram pawl ah feh dingah a si. Cumi hmun ah tidai a um lo. Meisa khal a um lo. A daih zet caan, a hlum le a dai tah nak 0 tang a thlen caan ah mi pakhat nung dam thei dingih tulsam mi pawl an nei lo.

Ram harsat nak tuar pawl

            Cozah le cozah karlak lungrual lo nak cu duh phorh nak tuahtu pawl tha pek nak vek a cang ter ih, harsat tuar pawl um nak hnget um lo in thawn nak a tam. Netabik an um nak hmun cu zial khal  um lo, ih nak khal um lo, ti khal um nak hmun  a si. Minung dinhmun ih ret lo nak ruangah a cang mi khat le khat theih thiam awk lo nak cu doawk nak dinhmun a thleng ding ti phan a um. Ziangruangahtile nung khal le thih khal le that hnem lo dinhmun ah ziangvek sual nak khal tuah ding an tih lo. Cumi lakah nam thawn dawh awk ih tuahmawhawknak khal a um. Europe comission le minung zangfah nak pawlkom pawl in a pehpar aw mi hmun ih cozah hnen a hram pi tul mi bawm dingah a forhfial. Comission in harsat tuar pawl cu facebook hmang in tarlang rero a si thu, 2018 ihsin thok in Bosnia le Herzegovina ih harsat tuar 70000 hrawng an thlen thu, a tamsawn cu Europe ah an thlen zo thu, asinan 8500 hrawng an tang lai thu a sim.

            Caritas Italy sinak in Greek ihsin Italy asilole Australia ih a um tu ding harsat tuar pawl cu ahleice in bom ding a si thu, himi lamzin cu harsat tuar thawng tampi a tang ter. Thenkhat cu a daih in a hram pi tul mi pawl hman nei lo dinhmun khal an tuar. Ahleicein covid-19 a um thok ihsin thok in inn thaten sak mi a um lomi innsang pawl hnen nat a karh thu, 2015 kum ihsin thok in caritas Italy dinhmunin himi lamzin  ih a thleng tu harsat tuar pawl hnen harsat tuar pawl ram ih caritas pawl kom pawl thawn pehtlai aw in bom a si thu, anmah khal an ti thei nak zawn in an bawm.      

Pope Francis in siangzet ih a pek mi a hlu

            Harsat tuar pawl thu thawn pehpar in Pope khal a um men lo. Thlacam nak thawn siseh, a hlu tu pawl hnen forhfial nak, amah rori karuna fund khal ah a hlu pawl hlut nak thawn a bawm. Tui thu thawn khalin Pope hnen in khal a hlu an ngah ih Italy Catholic pawl pawlkom in Pope hnen an lung a awi thu, himi bawm nak thawn caritas Italy le Bosnia-Herzegovina pawl cu harsa pawl um nak inn ah a tul mi bom nak thil ri pawl cu harsat tuar pawl bom nak khal an tuah sal zo thu, cutivek thotho in inn ih hman mi thilripawl harsat tuar pawl 1500 hrang bom asi thu, asinan ram ri kaan ding ahcun hmun le ram pawlkom ih bom nak an tul ruangah harsat nak a um thu an sim. Himi thu cu Vatican thuthang ihsin kan don mi a si.

https://bit.ly/3nqQRz9