Vua luh ni a simi vutcam culh nak puai hrangah thusuah pakhat Vatican in tuah January 12, 2021

Vua luh ni a simi vutcam culh nak puai hrangah thusuah pakhat Vatican in tuah

January 12, 2021

          Catholic kawhhan mipi pawl ih ulh (vualuh) ni asimi February 17 ih tuah dingmi vutcam culh puai ni thawn pehpar in thu pakhat Vatican in January 12 ah a suah. Cumi an suah miah Siangbawi pawl ih tuah dingmi cu a tanglam vek in an sim. "Siangbawi cu vutcam thluasuah a pek hnu daiten thianghlimti a theh theh hnuah, vutcam culh nak ih a ra tu pawl theih dingah Catholic ih tuah daan cauk ih a um vek in "sualsir in Gospel thuthang tha zum uh" timi ca khal siseh, "nang cu leivut nasiih leivut ah na cang sal ding timi mang aw" timi ca khal siseh veikhat siar ah a siar ding. Cuihnuah kut a kholh theh tikah hmaihuh bun in mipi pawl a hnen ah a ra ter in khal siseh, amah mipi pawl hnen feh nak in siseh ziang ca hman siar loin vutcam culh nak hminsin nak a tuah sak ding" tiin an sim. Himi thuthang cu Vatican thuthang ihsin kan ngah mi a si.

Photo courtesy of Vatican Media

https://bit.ly/2XBOMpS