Pope Francis ih khualtlawnnak a fiang hrih lo nain logo cu a langter. January 13, 2021

Pope Francis ih khualtlawnnak a fiang hrih lo nain logo cu a langter.

January 13, 2021

         Kan dung Zarhpi ni ih Interview ah Pope Francis in kan dung kum 2020 ah ram tinkim thawn pehpar mi khualtlawnnak pahnih a rak thul ih tui kum ah khal a ralai ding mi March thla hrangah Iraq ih khualtlawnnak ding a tum nain a timtuah mi vekin a cang ding maw, cang lo ding ti cu a ruah thu a rak sim. Asinain, Iraq ram ih um pawlkom pawl in Pope a feh nak ding hrangah logo le motto cu kan dung tlawngkai nikhat ni ah an rak suah. Logo cu Tigris, Euphrates tiva le thaan (palm tree) kung a tel mi Iraq ram ih ram zuk hmaiah Pope Francis ih zuk an ret ih olive hnge a thiar tu thuro Vatican Aalan le Iraq ram Aalan par ih a zam rero lai mi zuk a si.

         Motto cu Mt 23:8 sungih catlang “kan zaten unau kan si” ti mi cu Arabic Biaknak, Chaldean le Kurdish Biaknak pawl thawn an ngan. Khualtlawnnak timlam mi vekih a can thei le Pope Francis in Iraq ram ah a tuukhaal khualtlawnnak ih a feh ding mi a hmaisabik nak Pope a si ding. Khualtlawnak ah Pope in Cathianghlim sungah Abraham ih a suah nak ram a rak langsar ter ih tu ah Iraq thlanglam ih um Ur khuapi le Iraq ram, thlanglam ih um Qaraqosh khuapi pawl ah a tlawng ding a si.

         Tui khualtlawnnak hrangih tikcu caan a tlangpi ih an suai mi ah Pope in March 6 ni ah Baghdad khuapi ih um Cathedral ah Missa raithawinak a tuah dingih nisarih ni ah Erbil ih um bualrawn ah Missa sumnak a tuah ding a si. Iraq ram ih um thu nei tu pawlkom pawl, Catholic Puithiam pawl, a tinkaing (Conregation) pawl thawn tongaw ih thurelkhawmnak ah Pope in Ur khuapi ih um Christian pawl, Jew pawl, Muslim pawl le leitlunhuap ih Biaknak pawl tongaw khawm thei dingih a ruah san thu a rak sim.

         Iraq thlanglam ih Rev. Fr. Karam Shamasha in “kan nih cu ISIS pawlkom pawl in mipi pawl an pek mi hriamhma pawl dam ter nak pek dingah kan zuam rero ih kan mai sungtel pawl in thazaang nei dingin kan zumnak thawn kan rak humhim. “Asinain, an mah cu a thabik si dingah na rak tuah. Asinain, hi thilcang cu cawl lo ding a tul ti mi thapek nak tongkam a tul lai thu,” a rak sim.

         Hi thuthang cu CNA thuthang ih kan don mi a si.

Photo coustesy of  Saint-Adday

https://bit.ly/3oOcieX